بولجامدارعا سايكەس، بۇل تەندەنسيا ساقتالادى، مۇنىڭ ءبارى الدىن الۋ شارالارىنىڭ ارقاسىندا. سونىڭ ءبىرى بۇگىن، 24 اقپاندا، تۋبەركۋلەزگە قارسى كۇرەس ايلىعى باستالدى. الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا وسى تاقىرىپقا ارنالعان باسپا ءسوز كونفەرەنسياسى ءوتتى، دەپ حابارلايدى اlmaty-akshamy.kz.
جاعىمدى ستاتيستيكا تۋرالى قازاقستان رەسپۋبليكاسى دەنساۋلىق ساقتاۋ مينيسترلىگى ۇلتتىق فتيزيوپۋلمونولوگيا عىلىمي ورتالىعىنىڭ ديرەكتورى مالىك ادەنوۆ ايتتى. ونىڭ ايتۋىنشا، ەلىمىزدە سوڭعى 5 جىلدا اۋرۋشاڭدىق 24 %-عا تومەندەگەن.
تۋبەركۋلەزدەن بولاتىن ءولىم كورسەتكىشى 1،5 ەسەدەن استام تومەندەدى. سونداي-اق، بالالاردىڭ اۋرۋشاڭدىعى 27 پايىزعا ازايعان.
مالىك ادەنوۆ قازاقستاندا تۋربەركۋلەز بويىنشا تۇراقتى ەپيدەميولوگيالىق جاعداي ساقتالىپ وتىرعانىن اتاپ ءوتتى. مەديسينا قىزمەتكەرلەرى بۇعان حالىقتى پروفيلاكتيكالىق تەكسەرۋلەرمەن قامتۋ ارقاسىندا قول جەتكىزگەن.
«ەلىمىزدە تۋبەركۋلەزدى انىقتاۋ جانە دياگنوستيكالاۋ ءۇشىن دۇنيەجۇزىلىك دەنساۋلىق ساقتاۋ ۇيىمىنىڭ سوڭعى ۇسىنىمدارىنا سايكەس تەكسەرۋدىڭ بارلىق دياگنوستيكالىق ادىستەرى ەنگىزىلگەن. پتر دياگنوستيكاسى قۇرىلدى، ول تۋبەركۋلەزدىڭ بار-جوعىن گەندىك دەڭگەيدە 2 ساعات ىشىندە انىقتاۋعا جانە العاشقى كۇننەن باستاپ ەمدەۋدى تاعايىنداۋعا مۇمكىندىك بەرەدى»، - دەپ اتاپ ءوتتى ۇلتتىق فتيزيوپۋلمونولوگيا عىلىمي ورتالىعىنىڭ ديرەكتورى.
تاۋەكەل دەڭگەيى جوعارى توپتاعى تۇرعىنداردى سكرينينگتىك تەكسەرۋلەر تاۋەكەلدەردى ازايتۋعا كومەكتەسەدى، ەرەسەكتەر فليۋوروگرافيادان وتەدى، ال بالالار مەن جاسوسپىرىمدەر تۋبەركۋلەزدىڭ الدىن الۋعا باعىتتالعان دياگنوستيكاسىنان وتەدى.
امبۋلاتورلىق جانە ستاسيونارلىق ەمدەۋگە قاتىستى بارلىق مەديسينالىق مەكەمەلەر ءتيىمدى ەمدەۋ ءۇشىن تۋبەركۋلەزگە قارسى پرەپاراتتاردىڭ قاجەتتى كەشەنىمەن تولىق قامتاماسىز ەتىلگەن. سەزىمتال تۋبەركۋلەزدى ەمدەۋ تيىمدىلىگى 88،2%، دارىگە ءتوزىمدى تۋبەركۋلەزدى ەمدەۋدىڭ تيىمدىلىگى 80،2% قۇرادى.
پاسيەنتتەرگە ىڭعايلى بولۋ ءۇشىن امبۋلاتورلىق ەمدەۋ ولاردىڭ تۇرعىلىقتى جەرىنە جاقىن ورنالاسقان مەديسينالىق مەكەمەلەردە جۇزەگە اسىرىلادى.
ماسەلەن، بۇگىنگى تاڭدا 7750 ناۋقاس امبۋلاتورلىق ەم الادى، ونىڭ 1،9 پايىزى ۇيدە، 2،6 پايىزى ءموبيلدى بريگادادا، 42،4 پايىزى سمارتفون ارقىلى بەينەباقىلاۋدا.
ەمدەۋ مونيتورينگىن كۇن سايىن فتيزياتر دارىگەرلەر، مەدبيكەلەر جانە وسىعان جاۋاپتىلار قاداعالايدى.
ەلىمىزدە جەرگىلىكتى اتقارۋشى ورگانداردىڭ تۋبەركۋلەزبەن اۋىراتىندارعا اي سايىن الەۋمەتتىك قولداۋ كورسەتۋى وتە ماڭىزدى. ەسەپتى كەزەڭدە تۋبەركۋلەزبەن اۋىراتىنداردىڭ 97%-ىنا 1971،2 ملن.تەڭگەگە الەۋمەتتىك قولداۋ كورسەتىلدى.