الماتىدا TikTok تۋرالى العاشقى وتاندىق كينوكارتينا - "AOOL HOUSE" تولىقمەتراجدى كوركەم ءفيلمىنىڭ ءتۇسىرىلىمى باستالدى، دەپ حابارلايدى almaty-akshamy.kz
جاس قازاقستاندىقتار، اسىرەسە، اۋىلدىق جەرلەردىڭ تۇرعىندارى TikTok الەۋمەتتىك جەلىسىندە بارعان سايىن تانىمال بولا تۇسۋدە. ولاردىڭ قىسقا بەينەلەرى بۇكىل الەمدەگى پايدالانۋشىلاردان ميلليونداعان كورىنىستەر مەن ۇناتۋلارعا يە.
قازاقستاندىق تيكتوكەرلەر تۋرالى فيلم ءتۇسىرۋ يدەياسى "كانيكۋلى offline" ديلوگياسىن قۇرۋشىلارعا تيەسىلى.
"AOOL HOUSE" - بۇل اۋىلدا جەكە TikTok ءۇيىن قۇرعان جانە كەرەمەت تابىستار مەن تانىمالدىلىققا قول جەتكىزگەن اۋىل بالالارى تۋرالى وتباسىلىق كومەديا.
فيلمدەگى باستى رولدەردى اكتريسالار جانە تانىمال تيكتوكەرلەر زۋحرا سايپي (@zactress)، Cool house-دان عايني جارىلقاسىنوۆا (@gainisugar)، داۋلەت وزبەكوۆ، ازات ءجۇمادىل، ەربول ءالمۇحانوۆ، "شەكەر"، "سەرجان-براتان" سەريالدارىنداعى تانىمال اكتەرلەر، سونداي-اق Yolo House جانە Bip House-دان تانىمال تيكتوكەرلەر سومدادى.
ءفيلمنىڭ سيۋجەتى بويىنشا، ءارتۇرلى الەۋمەتتىك توپتاعى بالالار ءوز يدەيالارى مەن تالانتتارىن بىرىكتىرىپ، تۋعان اۋىلىندا "TikTok ءۇيىن" اشادى. ويتكەنى بەلگىلى بولعانداي، TikTok پەن اۋىل - بۇل جەتىستىك فورمۋلاسى!