ۇكىمەتتىڭ جوسپارى.
قازاقستان ۇكىمەتى 2025 جىلعا دەيىن 3 نەگىزگى ينفراقۇرىلىمدىق جوبانى ىسكە اسىرۋدى جوسپارلانىپ وتىر، دەپ حابارلايدى Almaty-akshamy.kz.
«بۇگىنگى تاڭدا ەلىمىز بويىنشا وتەتىن ترانزيتتىك جۇكتەردىڭ شامامەن 90% تەمىرجول كولىگىمەن تاسىمالدانادى. دەگەنمەن، الەۋەتى ودان دا زور. وسى ماقساتتا تەمىرجول كولىگى سالاسىندا 2025 جىلعا دەيىن 3 نەگىزگى ينفراقۇرىلىمدىق جوبانى ىسكە اسىرۋدى جوسپارلانىپ وتىر»، - دەلىنگەن يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنىڭ حاباراماسىندا.
سولاردىڭ ءبىرىنشىسى - «دوستىق-مويىنتى» جوباسى. ونى ىسكە اسىرۋ جۇڭگو مەن ەۋروپا اراسىنداعى ترانزيتتىك تاسىمالدار كولەمىن ارتتىرادى. ۋچاسكەنىڭ وتكىزۋ قابىلەتى 5 ەسە ۇلعايىپ، تاسىمال جىلدامدىعى تاۋلىگىنە 1500 شاقىرىمعا دەيىن جەتەدى.
«داربازا-ماقتاارال» جوباسى ورتا ازيا ەلدەرىنە ترانزيتتىك قاشىقتىقتى قىسقارتىپ، قولدانىستاعى وتكىزۋ پۋنكتى ارقىلى وزبەكستانعا اۋماعىنا شىعۋدى قامتاماسىز ەتەدى.
ءۇشىنشى جوبا - «الماتى ستانسياسىنىڭ اينالما تەمىرجول جەلىسى». ول الماتى تورابىنا تۇسەتىن جۇكتەمەنى 30% ازايتىپ، جۇكتەردى جەتكىزۋ ۋاقىتىن 24 ساعاتقا دەيىن قىسقارتادى.
وسى ورايدا تەمىرجول كولىگى سالاسىندا جىلجىمالى قۇرامدى جاڭارتۋ بويىنشا شارالار قابىلدانىپ جاتىر. اتاپ ايتقاندا، وتاندىق ۆاگون جاساۋدى قولداۋ ماقساتىندا ءوز ەلىمىزدە شىعارىلعان ۆاگونداردى ساتىپ الۋعا كرەديت بەرگەندە ۆاگون وپەراتورلارى ءۇشىن سىياقى مولشەرلەمەسىن سۋبسيديالاۋ تۇرىندە مەملەكەتتىك قولداۋ كورسەتىلەدى. باعدارلاما شەڭبەرىندە شامامەن 3،5 مىڭ فيتينگتىك پلاتفورما جانە 2 مىڭنان استام جۇك ۆاگونى ساتىپ الىندى. سونداي-اق، بيىل «قازاقستان تەمىر جولى» 1،5 مىڭ جۇك ۆاگونىن ساتىپ الۋدى جوسپارلاپ وتىر.
جۇك تاسىمالدارىن ودان ءارى دامىتۋ ماقساتىندا مينيسترلىك وتاندىق ەلەكتروۆوزدار (ALSTOM) مەن تەپلوۆوزداردى (لكز GE) ساتىپ العاندا سىياقى مولشەرلەمەسىن سۋبسيديالاۋ تۇرىندە قولداۋدى زاڭنامالىق تۇردە ەنگىزۋدى ۇسىنادى.