ينتەرنەت ارقىلى بيلەت الۋشىلاردىڭ كورسەتكىشى 70% جەتكەن.
تەمىر جول بيلەتتەرىن ينتەرنەت ارقىلى الاتىن قازاقستاندىقتار سانى ارتتى، دەپ حابارلايدى Almaty-akshamy.kz.
«بۇگىنگى تاڭدا قازاقستاندىقتار تەمىرجول بيلەتتەرىنىڭ 70 پايىزىن ينتەرنەت ارقىلى ساتىپ الادى. بۇل كورسەتكىش وتكەن جىلمەن سالىستىرعاندا 16 پايىزعا ارتقان. جول ءجۇرۋ قۇجاتتارىنىڭ ونلاين-ساتىلىمى، اسىرەسە كارانتيندىك شەكتەۋلەر الىنىپ تاستالعاننان كەيىن ايتارلىقتاي وسكەن»،- دەلىنگەن يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنىڭ حابارلاماسىندا.
ايتا كەتەرلىگى، 2019 جىلعى شىلدە ايىنان باستاپ ۇلتتىق تاسىمالداۋشى كومپانيا تەمىرجول بيلەتتەرىن ساتۋدى تولىعىمەن «موبيۋس» ەلەكتروندى جۇيەسىنە اۋىستىردى. بۇل باستاما ءوز كەزەگىندە وتكىزۋ ارنالارىن ايتارلىقتاي كەڭەيتۋگە مۇمكىندىك بەرىپ، ازاماتتار ءۇشىن بيلەتتەردى ساتىپ الۋ شارتتارىن جاقسارتۋعا اسەر ەتتى.
قازىرگى كۇندە جول ءجۇرۋ قۇجاتتارى «قتج» ۇك» اق-نا تيەسىلى بيلەت كاسسالارى (164 كاسسا (وڭتايلاندىرۋدى ەسكەرە وتىرىپ)، 3 مىڭ كاسسا اگەنتتىكتەرى مەن پوشتا بولىمشەلەرى، 15 ينتەرنەت سايت پەن موبيلدىك قوسىمشالار (ونىڭ ىشىندە bilet.railways.kz سايتى مەن «قتج بيلەتتەرى» موبيلدىك قوسىمشاسى) جانە 30 مىڭ وزىنە-وزى قىزمەت كورسەتۋ اۆتوماتتارى ارقىلى ساتىلىمعا شىعارىلادى.
سونىمەن قاتار بىرنەشە رەت ءبىر ۇلگىدە سۇراۋ سالۋ (ورىن ۇستاۋ ماقساتىندا) كەزىندە جۇيەنى پايدالانۋشىنى بۇعاتتاۋ ەسەبىنەن جۇيەلى تۇردە بيلەتتەردى قايتا ساتۋ فاكتىلەرىن سونداي-اق تۇتىنۋشىعا بروندالعان ورىندار فاكتىسى تۋرالى sms-حابارلامانى راستاي وتىرىپ، «كۇتۋ پاراعى» بويىنشا كەزەكتىلىك تارتىبىمەن جول ءجۇرۋ قۇجاتتارىن ساتىپ الۋعا توسقاۋىل قويۋ ماقساتىندا كەشەندى شارالار قابىلداندى.
2022 جىلدىڭ العاشقى ءتورت ايىندا «كۇتۋ پاراعى» قىزمەتى ارقىلى 18 مىڭنان استام بيلەت راسىمدەلگەن. بۇل كورسەتكىش وتكەن جىلدىڭ سايكەس كەزەڭىمەن سالىستىرعاندا 3،5 ەسە كوپ.