جوسپارلى-پروفيلاكتيكالىق جۇمىستار جۇرگىزىلەدى.
ءبىر اپتادان كەيىن، ياعني شىلدەنىڭ 21 كۇنى، قازاقستاننىڭ بارلىق اۋماعىندا تەلەراديوارنالاردى رەترانسلياسيالاۋ ۋاقىتشا توقتاتىلادى، دەپ حابارلايدى Almaty-akshamy.kz.
«2021 جىلدىڭ 21 شىلدەسىندە تاڭعى ساعات 03.00 مەن 17.00 ارالىعىندا جەرسەرىكتىك، سيفرلىق جانە انالوگتى ەفيرلىك جەلىلەردىڭ تەحنيكالىق قۇرالدارىنداعى سەرۆيستەر جابىلىپ، جوسپارلى-پروفيلاكتيكالىق جۇمىستار جۇرگىزىلەدى»،– دەلىنگەن اقپارات جانە قوعامدىق دامۋ مينيسترلىگى باسپا ءسوز قىزمەتىنىڭ حابارلاماسىندا.
مامانداردىڭ حابارلاۋىنشا، «قازتەلەراديو» اق توقسان سايىن جەرسەرىكتىك جانە ەفيرلىك جەلىلەردىڭ تەحنيكالىق قۇرالدارىندا سەرۆيستەردى جابا وتىرىپ، جوسپارلى-پروفيلاكتيكالىق جۇمىستار جۇرگىزەدى. بۇل جۇمىستار تەلەراديو حابارلارىن ساپالى تاراتۋدى قامتاماسىز ەتۋ ءۇشىن قاجەت، ال توقسان سايىنعى جوسپارلى-پروفيلاكتيكالىق جۇمىستار سەرۆيستى ۇزاق ۋاقىت وشىرۋگە مۇمكىندىك بەرەدى، سوندىقتان وسى ۋاقىت ىشىندە تەحنيكالىق قۇرالداردى جاڭعىرتۋ بويىنشا قوسىمشا جۇمىستار دا جۇزەگە اسىرىلادى.