وزگەرىستەر 11 شىلدەدەن باستاپ قولدانىسقا ەنەدى.
قازاقستاندا تاۋارلاردىڭ يمپورتى كەزىندە قوسىلعان قۇن سالىعىنان بوساتۋدى قولدانۋ شارتتارى وزگەردى. بۇل تۋرالى مەملەكەتتىك كىرىستەر كوميتەتى مالىمدەدى، دەپ حابارلايدى Almaty-akshamy.kz Egemen.kz سىلتەمە جاساپ.
«ەنگىزىلگەن وزگەرىستەر جاناما سالىقتاردى تولەۋ مەرزىمى وزگەرتىلگەن جانە تالاپتارى ورىندالعان تاۋارلاردىڭ يمپورتى كەزىندە قوسىلعان قۇن سالىعىنان بوساتۋدى قولداناتىن تۇلعالار قاتارىن كەڭەيتەدى. ەندى بۇنداي تۇلعالار قاتارىنا ۋاكىلەتتى ەكونوميكالىق وپەراتورلار ەنگىزىلدى. سونداي-اق كولىك قۇرالدارىنىڭ جۇك بولىمىنە ەلەكتروندىق سايكەستەندىرگىشتەردى (ناۆيگاسيالىق پلومبالاردى) ورناتۋدى مىندەتتەيتىن شارتتار الىنىپ تاستالدى»،- دەلىنگەن ۆەدومستۆو حابارلاماسىندا.
كوميتەت ەاەو-قا مۇشە مەملەكەتتەر اۋماعىنا ودان ءارى ەكسپورتتاۋعا ارنالعان تاۋارلاردى قوسىلعان قۇن سالىعىنان بوساتۋعا مۇمكىندىك بەرەتىن جاڭا شارت پايدا بولعانىن دا مالىمدەدى.
تاۋارلاردى اكەلۋ تۋرالى وتىنىشتە (1ء-بولىمى كەستەسىنىڭ 6-باعانىندا) جانە ەلەكتروندىق شوت-فاكتۋرادا (8-باعانىنىڭ G بولىمىندە) كورسەتىلگەن تاۋار قۇنى تاۋارلار دەكلاراسياسىندا (45-باعانىندا) كورسەتىلگەن تاۋار قۇنىنان تومەن بولماسا، قوسىلعان قۇن سالىعىنان بوساتۋعا بولادى.