2025 جىلعا قاراي 13 سۋ ەلەكتر ستانساسى، 34 جەل جانە 12 كۇن ستانساسى سالىنادى. بۇل تۋرالى ۇكىمەت وتىرىسىندا ق ر ەنەرگەتيكا ءمينيسترى بولات اقشولاقوۆ ايتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«ەكونوميكانىڭ ورنىقتى دامۋ تالاپتارىنا ساي كەلەتىن ەنەرگەتيكالىق كەشەندى جاڭعىرتۋ. ءىس-شارانىڭ باستى ماقساتى ەكونوميكا مەن حالىقتىڭ ەلەكتر ەنەرگياسىنا قاجەتتىلىگىن جابۋ بولىپ سانالادى. ەلەكتر قۋاتى نارىعى اياسىندا مينيسترلىك جاساسقان 13 ينۆەستيسيالىق كەلىسىمدى ىسكە اسىرۋ جولىمەن جۇمىس ىستەپ تۇرعان ەلەكتر ستانسالارىن جاڭعىرتۋ جۇزەگە اسىرىلادى. 1600 مۆت قوسىمشا قۋاتتار ىسكە قوسىلاتىن بولادى. 2025 جىلعا قاراي ەلدىڭ وڭتۇستىك وڭىرلەرىندە مانيەۆرلىك رەجيمى بار، جيىنتىق قۋاتى شامامەن 1 000 مۆت بۋ-گاز قوندىرعىلارىن سالۋ جونىندەگى جوبالاردى اياقتاۋ بولجانىپ وتىر»، - دەدى مينيستر.
ونىڭ اتاپ وتۋىنشە، 13 سۋ ەلەكتر ستانساسىنىڭ، 34 جەل جانە 12 كۇن ستانساسىنىڭ قۇرىلىسى جوسپارلانعان. بۇل 2025 جىلعا دەيىن 2 400 مۆت ەكولوگيالىق تازا ەنەرگيانى وندىرۋگە مۇمكىندىك بەرەدى.
«قازاقستاننىڭ ءبىرتۇتاس ەلەكتر ەنەرگەتيكالىق جۇيەسى باتىس ايماعىنىڭ ەلەكتر جەلىلەرىن كۇشەيتۋ ءۇشىن «KEGOC» اق باتىس قازاقستان مەن اتىراۋ وبلىستارى اراسىندا 220 كۆ ءترانزيتتىڭ ەكىنشى تىزبەگىن سالۋ جونىندەگى جوبانى باستادى. سونىمەن قاتار الماتى قالاسىنىڭ كابەلدىك جەلىلەرىن قايتا جاڭارتۋ جۇرگىزىلەتىن بولادى. كوزدەلگەن ءىس-شارالار جاڭا گەنەراسيانى قۇرۋعا جانە توزۋ دەڭگەيىن 66 پايىزدان 62،7 پايىزعا دەيىن تومەندەتۋگە، سونداي-اق 21 مىڭنان استام جۇمىس ورنىن قۇرۋعا مۇمكىندىك بەرەدى»، - دەدى بولات اقشولاقوۆ.