ەنەرگەتيكا مينيسترلىگى ەلدىڭ گيدروەنەرگەتيكالىق الەۋەتىنىڭ ءبىرىڭعاي سيفرلىق كارتاسىن قالىپتاستىرۋ جونىندەگى جۇمىستى ۇلتتىق دەڭگەيدەگى سيفرلىق پلاتفورماعا ينتەگراسيالاۋ ارقىلى باستادى. بۇل تۋرالى ۇكىمەت وتىرىسىندا ۆەدومستۆو باسشىسى ەرلان اقكەنجەنوۆ مالىمدەدى، - دەپ حابارلايدى aqshamnews.kz ءتىلشىسى.
مينيستر ەلىمىزدىڭ گيدروەنەرگەتيكالىق رەسۋرستارى كارتاسىن ازىرلەۋ ماسەلەسى بويىنشا جۇمىستار قاۋىپسىزدىك كەڭەسىنىڭ قورىتىندىسى نەگىزىندە بەرىلگەن حاتتامالىق تاپسىرمالاردى ورىنداۋ اياسىندا باستالعانىن اتاپ ءوتتى.
"پلاتفورما گيدرولوگيالىق، جەر بەدەرى، ينفراقۇرىلىمدىق جانە قۇقىقتىق دەرەكتەردى بىرىكتىرىپ، وڭتايلى جوبالىق شەشىمدەردى قالىپتاستىرۋعا، بولاشاق ستانسيالاردىڭ پارامەترلەرىن ەسەپتەۋگە جانە جوبالاۋعا دەيىنگى دايىندىق مەرزىمدەرىن قىسقارتۋعا مۇمكىندىك بەرەدى"، - دەپ تولىقتىردى ەرلان اقكەنجەنوۆ.