سولتۇستىك ارال تەڭىزىنىڭ اۋدانىن 34 كم³ دەيىن، ال ونىڭ اۋماعىن 4-5 جىل ىشىندە 3 913 كم² دەيىن جەتكىزۋ جوسپارلانۋدا.
پرەزيدەنتتىڭ ۇلتتىق قۇرىلتايدا ايتىلعان تاپسىرمالارىن ورىنداۋ شەڭبەرىندە تەڭىزدى ساقتاۋ جونىندەگى شارالار تۋرالى ۇكىمەت وتىرىسىندا سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ باياندادى، - دەپ حابارلايدى aqshamnews.kz.
ونىڭ ايتۋىنشا، سۋ از بولعان كەزدە دە تۇراقتى سۋ اعىنىن قامتاماسىز ەتۋ تۋرالى وزبەكستانمەن رەسپۋبليكاسىمەن كەلىسىمگە قول قويىلعان. سولتۇستىك ارالدىڭ كولەمى 2023 جىلدىڭ باسىنداعى 18،4 ملرد تەكشە مەتردەن قازىرگى ۋاقىتتا 23 ملرد تەكشە مەترگە دەيىن ۇلعايدى.
كوكارال بوگەتىن رەكونسترۋكسيالاۋ جانە سۋ دەڭگەيىن 44 مەترگە دەيىن كوتەرۋدى قامتيتىن تەڭىزدى ساقتاۋ جونىندەگى جوبانىڭ ەكىنشى كەزەڭىن ازىرلەۋ اياقتاۋ ساتىسىندا تۇر.
تۇركىستان جانە قىزىلوردا وبلىستارىنداعى سۋارۋ جۇيەلەرىن جاڭعىرتۋ جانە اۆتوماتتاندىرۋ بويىنشا 167 جوبالىق-سمەتالىق قۇجاتتاما ازىرلەنۋدە. سۋ ۇنەمدەۋ تەحنولوگيالارى 143،1 مىڭ گەكتار جەرگە ەنگىزىلدى، بۇل شامامەن 500 ملن تەكشە مەتر سۋ ۇنەمدەۋگە مۇمكىندىك بەردى.
"سولتۇستىك ارال تەڭىزىن ساقتاۋ جانە قالپىنا كەلتىرۋ ءبىز ءۇشىن تەك ەكولوگيالىق قانا ەمەس، الەۋمەتتىك جانە ستراتەگيالىق مىندەت بولىپ سانالادى. ۇنەمدەلگەن سۋ رەسۋرستارىنىڭ ءبىر بولىگىن ەكوجۇيەلەردى قولداۋعا باعىتتاۋ – ءوڭىردىڭ تۇراقتىلىعىنا، حالىق دەنساۋلىعىنا جانە كەلەسى ۇرپاقتاردىڭ بولاشاعىنا قوسىلعان ۇلەس"، — دەپ اتاپ ءوتتى مينيستر.