Cپورتشىلاردى ىرىكتەۋ راسىمدەرىنىڭ اشىق ءوتۋى ماڭىزدى.
الداعى ۋاقىتتا ق ر مادەنيەت جانە سپورت مينيسترلىگى سپورتشىلاردىڭ بارلىق جەتىستىگىن، جارىستارعا قاتىسۋ كەستەسىن باقىلاۋعا مۇمكىندىك بەرەتىن ە-sport جۇيەسىن ىسكە قوسپاق، دەپ حابارلايدى Almaty-akshamy.kz ءىnbusiness.kz سىلتەمە جاساپ.
"قۇراما كوماندا قاتارىنا سپورتشىلاردى ىرىكتەۋ راسىمدەرىنىڭ اشىق ءوتۋى ماڭىزدى. بۇل ءبىزدىڭ باستى نازارىمىزدا. الداعى ۋاقىتتا مينيسترلىك سپورتشىلاردىڭ بارلىق جەتىستىگىن، جارىستارعا قاتىسۋ كەستەسىن باقىلاۋعا مۇمكىندىك بەرەتىن ە-sport جۇيەسىن ىسكە قوسادى. ادىلەتتىلىك پەن اشىقتىق ماڭىزدى، سپورت جۇيەسىندە سالاۋاتتى باسەكەلەستىك بولۋى ءتيىس"، – دەپ اتاپ ءوتتى ۆەدومستۆو باسشىسى داۋرەن ابايەۆ.
ءمينيستردىڭ ايتۋىنشا، وليمپياداعا قاتىسۋعا مۇمكىندىك بەرەتىن ليسەنزيالار سانىنا ەمەس، مەدالداردىڭ ساپاسىنا نازار اۋدارۋ قاجەت. سەبەبى جالپىكوماندالىق ەسەپ التىن مەدال سانى نەگىزىندە جۇرگىزىلەدى.
"جوعارى جەتىستىكتەر سپورتىن دامىتۋ ءۇشىن ۇلكەن قاراجات ءبولىنىپ، قولداۋ كورسەتىلۋدە. قاجەتتى جاعدايلار جاسالىپ جاتىر. دەگەنمەن مينيسترلىك قايىرىمدىلىقپەن اينالىسپايدى. سوندىقتان ءار تەڭگە ءۇشىن قاتاڭ سۇراۋ بولادى. مۇنى وسىندا وتىرعان ءارقايسىسىڭىز ەستە ساقتاۋعا تيىسسىزدەر"، – دەدى ۆەدومستۆو باسشىسى.
ايتا كەتۋ كەرەك، جىل باسىنان بەرى ەلىمىزدىڭ قۇراما كوماندالارى 19 الەم چەمپيوناتىنا جانە 20 ازيا چەمپيوناتىنا قاتىسىپ، 140 مەدال يەلەندى.