جول قاۋىپسىزدىگى.
اۋا رايىنىڭ قولايسىزدىعىنا بايلانىستى تۇندە اباي وبلىسىنداعى جولداردا شەكتەۋلەر قويىلدى. قاتتى بوران سالدارىنان الماتى-وسكەمەن تاس جولىندا، سونداي-اق اياگوز بەن قالباتاۋ ارالىعىندا جۇك كولىكتەر مەن تىركەمەسى بار كولىكتەردىڭ جۇرۋىنە تىيىم سالىندى، دەپ حابارلايدى Almaty-akshamy.kz.
كوكتايعاق پەن بوراننان بىرنەشە كولىك اپاتى تىركەلدى. جاراقات الىپ، اۋرۋحاناعا جەتكىزىلگەندەر بار. ال ەلىمىزدىڭ وڭتۇستىگىندە الماتى-تاشكەنت-تەرمەز، سونداي-اق جامبىل وبلىسىنىڭ تۇركىستانمەن شەكتەسەتىن اۋماعىندا اۋا رايىنىڭ قولايسىزدىعىنا بايلانىستى جۇك كولىكتەرىنە قويىلعان شەكتەۋلەر بۇگىن تاڭەرتەڭ الىنىپ تاستالدى.