توكيو وليمپياداسىندا قازاقستاندىق سپورتشىلاردىڭ جەتىستىگى از بولعانىمەن، ولارعا بەرگەن سىياقى كولەمى الەمدىك دەڭگەيدىڭ وزىندە وتە جوعارى بولدى.
كوپ جىلدان بەرى قازاقستان ۇكىمەتى سپورت، مادەنيەت جانە تۋريزم سالاسىنا بولەتىن قاراجات كولەمىن ازايتتى. ۇستىمىزدەگى جىلى وسى سالالارعا بولىنگەن قاراجات مولشەرى وتكەن جىلمەن سالىستىرعاندا 2،6%-عا از بولدى، دەپ حابارلايدى Almaty-akshamy.kz Finprom.kz سىلتەمە جاساپ.
2021 جىلدىڭ قاڭتار-ماۋسىم ايلارىندا سپورت، مادەنيەت، تۋريزم جانە اقپاراتتىق سالاعا مەملەكەتتىك بيۋدجەتتەن جۇمسالاتىن شىعىن كولەمى 219،6 ملرد تەڭگەنى قۇرادى - بۇل ءبىر جىل بۇرىنعى كورسەتكىشتەن 2،6% -عا از.
بۇل سالالارعا جۇمسالاتىن قاجات كولەمىنىڭ ازايۋى جەتى جىلدان بەرى العاش رەت بايقالىپ وتىر. سەگمەنتتىڭ ۇلەسى بىلتىرعى 3% -عا جانە 2،7%-عا دەيىن، بەس جىل بۇرىنعى 3،6%-عا دەيىن تومەندەدى.
سالىستىرمالى تۇردە قارايتىن بولساق، 2020 جىلدىڭ قاڭتار-ماۋسىم ايلارىندا مەملەكەتتەگى سپورتقا، مادەنيەتكە، تۋريزمگە 225،4 ملرد تەڭگە جۇمسالعان، ياعني جىلىنا 3،3% پايىزعا ارتقان.
جەرگىلىكتى بيۋدجەتتەردىڭ سپورتقا، تۋريزمگە، مادەنيەتكە جانە اقپاراتتىق سالاعا جۇمسالاتىن شىعىنعا كەلەر بولساق، وندا جاعداي ۇقساس بولىپ تۇر: سەكتوردىڭ جالپى شىعىستارداعى ۇلەسى ءبىر جىل بۇرىن 5% بولاتىن، ءقازىر 4،3% قۇرايدى. التى اي ىشىندە جەرگىلىكتى بيۋدجەتتەردەن 153،9 ملرد تەڭگە ءبولىندى - بۇل وتكەن جىلمەن سالىستىرعاندا 5،2% از.
رەسپۋبليكا بويىنشا، شىعىستىڭ كوپ بولىگى تۇركىستان وبلىسىنىڭ بيۋدجەتىنە ءتۇستى: 17،4 ملرد تەڭگە – وتكەن جىلمەن سالىستىرعاندا 28،5% -عا ارتىق. سەكتور بويىنشا شىعىندارى كوپ ۇشتىككە قاراعاندى وبلىسى (14،2 ملرد تەڭگە، مينۋس 11%) مەن الماتى (11،7 ملرد تەڭگە، 25،1% پليۋس) كىردى. ءۇش ۇزدىك ايماققا رەسپۋبليكاداعى بارلىق جەرگىلىكتى بيۋدجەت شىعىستارىنىڭ 28،1% تيەسىلى بولدى.
مادەنيەت جانە سپورت مينيسترلىگىنىڭ ەسەبىنە سايكەس، 2020 جىلى مينيسترلىك رەسپۋبليكالىق بيۋدجەتتەن 108،8 ملرد تەڭگە جۇمسادى، بۇل ءبىر جىل بۇرىنعى كورسەتكىشتەن 17،9% -عا ارتىق.
ونىڭ ىشىندە شىعىستاردىڭ 27،9%-ى نەمەسە 30،3 ملرد تەڭگەسى جوعارى ءونىمدى سپورت تۇرلەرىن دامىتۋعا تيەسىلى، ونىڭ ىشىندە 10،9 ملرد تەڭگەسىن ۇلتتىق وليمپيادا كوميتەتى جۇمسادى.
تاعى 8،8% نەمەسە 9،6 ملرد تەڭگە دارىندى بالالاردى سپورتپەن شۇعىلدانۋعا جانە وقىتۋعا ءتۇستى، ونىڭ ىشىندە قاراجاتتىڭ جارتىسىنا جۋىعى سپورت سالاسىنداعى مەملەكەتتىك ۇيىمداردىڭ كۇردەلى شىعىندارى بولدى.
بۇقارالىق سپورت پەن ۇلتتىق سپورتتى دامىتۋعا قولداۋ كورسەتۋگە تەك 0،4%نەمەسە 426،5 ميلليون تەڭگە جۇمسالد.
ەستەرىڭىزگە سالا كەتەيىك، مەملەكەت باسشىسى ەلدەگى سپورت سەكتورىن رەفورمالاۋ بويىنشا تاپسىرما بەرگەن، دەپ حابارلايدى ق ر پرەمەر ء-مينيسترىنىڭ رەسمي رەسۋرسى. مەملەكەتتىك ورگاندارعا سپورتتى ودان ءارى دامىتۋ بويىنشا ءبىرقاتار تاپسىرمالار بەرىلدى:
- بۇقارالىق جانە بالالار سپورتىنا قولجەتىمدىلىكتى ارتتىرۋ؛
- سپورت عيماراتتارىنىڭ ماتەريالدىق -تەحنيكالىق جابدىقتالۋ دەڭگەيىن كوتەرۋ.
حالىقتى سپورتپەن قامتۋ بويىنشا ماقساتتى ينديكاتورلاردى اعىمداعى جىلى كەمىندە 35% ناتيجەگە قول جەتكىزۋمەن قايتا قاراۋ تاپسىرىلدى (بۇگىن - 31،6%).
جىل سوڭىنا دەيىن اكىمدىكتەرگە 43 سپورتتىق-ساۋىقتىرۋ كەشەنىنىڭ قۇرىلىسىن اياقتاۋ، جاتتىعۋ الاڭدارى مەن باسقا دا ارزان سپورتتىق نىساندار جەلىسىن كەڭەيتۋ تاپسىرىلدى.
ايتا كەتەرلىگى، قازاقستاندىق سپورتشىلار توكيو وليمپياداسىندا مەدالدار سانى بويىنشا رەيتينگتىڭ سوڭىنان ءۇشىنشى ورىنعا يە بولدى: قازاقستان 86 ورىننىڭ ىشىندە 83 ء-شى ورىنعا يەمدەندى. ماراپاتتار سانى بويىنشا الدىڭعى قاتارعا اقش، جۇڭگو جانە جاپونيا شىقتى.
قازاقستاندىقتار نەبارى 8 قولا مەدال الا الدى. بيىل قازاقستانعا «كۇمىس» تە، «التىن» دا اكەلىنبەدى - بۇل بارلىق تمد ەلدەرى اراسىنداعى ەڭ ناشار كورسەتكىش.
بۇل رەتتە قازاقستانداعى وليمپيادا جۇلدەگەرلەرىنە «قولا» ءۇشىن 75 مىڭ اقش دوللارى تابىستالدى. بۇل قولا مەدالى 15 مىڭ اقش دوللارىن قۇرايتىن اقش-تاعى «قولاعا» بەرىلەتىن مەملەكەتتىك ناگرادادان نەمەسە ول ءۇشىن 9 مىڭ اقش دوللارى بەرىلگەن جاپونيادا الدەقايدا كوپ.
سالىستىرمالى تۇردە ايتاتىن بولساق، رەسەيدەگى قولا مەدال ءۇشىن سپورتشىلارعا 23 مىڭ اقش دوللارى كولەمىندە اقشا بەردى، ال ۋكراينادا - 55 مىڭ اقش دوللارىن، وزبەكستان - 50 مىڭ اقش دوللارىن، ءازىربايجان - 58،8 مىڭ اقش دوللارىن، قىرعىزستان - 59 مىڭ اقش دوللارىن بەردى.
