ىىم-دە تۇتقىنداردىڭ كولونيالاردا ورناتىلعان بەينەباقىلاۋ كامەرالارىن قالاي بۇزاتىنى تۋرالى كادرلار كورسەتىلدى، دەپ حابارلايدى اlmaty-akshamy.kz.
"جازانى وتەۋ ءتارتىبىن ساقتاعىسى كەلمەگەندىكتەن، جەكەلەگەن سوتتالعانداردىڭ بەينەكامەرالارعا قاساقانا زاقىم كەلتىرۋ ءۇردىسى پايدا بولدى. بارلىعى ولار 683 قاۋىپسىزدىك كامەراسىن زاقىمداپ، ىستەن شىعاردى. بۇل سوقىر ايماقتاردى قۇرىپ قانا قويماي، مەملەكەتتىك بيۋدجەتكە ايتارلىقتاي ماتەريالدىق زالال كەلتىرەدى"، - دەدى ۆەدومستۆونىڭ رەسمي وكىلى شىڭعىس الەكەشيەۆ.
ەندى يزولياتورلار مەن كولونيالارداعى بەينەكامەرانىڭ قاساقانا زاقىمدانۋى ءۇشىن جەتى جىلعا دەيىن باس بوستاندىعىنان ايىرۋعا بولادى.
مينيسترلىك بۇل كامەرالاردىڭ قانشالىقتى پايدالى ەكەنىن ايتتى: ولاردى ورناتقان ساتتەن باستاپ 24 مىڭعا جۋىق بۇزۋشىلىق انىقتالدى. كولونيا قىزمەتكەرلەرىنىڭ زاڭسىز ارەكەتتەرى تۋرالى شاعىمدار سەگىز ەسە ازايدى، 43 سۋيسيد پەن ءتورت قاشۋ ارەكەتى الدىن الدى. سونىمەن قاتار، مۇمكىن بولاتىن توعىز تارتىپسىزدىكتىڭ الدىن الىپ، تىيىم سالىنعان زاتتاردى كونتراباندالىق جولمەن وتكىزۋدىڭ 151 ارەكەتىن توقتاتتى