ق ر پرەزيدەنتى جانىنداعى ورتالىق كوممۋنيكاسيالار قىزمەتىندە "جەر رەسۋرستارىن ۇتىمدى پايدالانۋدى باقىلاۋ" تاقىرىبىندا باسپا ءسوز كونفەرەنسياسى ءوتتى.
ق ر اشم جەر رەسۋرستارىن باسقارۋ كوميتەتىنىڭ ءتوراعاسى مۇرات تەمىرجانوۆ پرەزيدەنت قاسىم-جومارت توقايەۆتىڭ جەردى قايتارۋ جونىندەگى تاپسىرماسىن ورىنداۋ اياسىندا اتقارىلعان جۇمىستاردىڭ قورىتىندىلارىن ايتتى. مەملەكەت باسشىسى ءوزىنىڭ 2022 جىلعى قىركۇيەكتەگى جولداۋىندا 10 ملن گا پايدالانىلماعان نەمەسە زاڭنامانى بۇزا وتىرىپ بەرىلگەن جەرلەردى قايتارۋ مىندەتىن قويدى. مەملەكەتتىك قورعا 12،1 ملن گا جەر قايتارىلدى. 9،4 ملن گا الاڭدا 4 731 جوسپاردان تىس تەكسەرۋ جۇرگىزىلدى.
"نەگىزگى ماسەلەلەرىدىڭ بىرى-جەردىڭ دەگراداسياسى. بۇگىنگى تاڭدا شامامەن 30 ميلليون گا ەروزيادان جانە باسقا دا جاعىمسىز پروسەستەردەن جەر دەگراداسياعا ۇشىراعان. وسى باعىتتا جۇمىس ىستەۋ ءۇشىن ءبىرىڭعاي توپىراق كلاستەرلىك قىزمەتى قۇرىلدى.
205 ملن گەكتار القاپتا سيفرلىق اۋىل شارۋاشىلىعى كارتالارىن جاساۋ بويىنشا جۇمىستار اياقتالدى.
سونىمەن قاتار، 2024 جىلى پارلامەنتكە توپىراقتى قورعاۋ تۋرالى زاڭ جوباسى جىبەرىلدى، ول جەردىڭ ساپاسىن ساقتاۋ جانە ونىڭ توزۋىن بولدىرماۋ جونىندەگى مەملەكەتتىك ساياساتتىڭ نەگىزدەرىن بەلگىلەيدى"، - دەدى.
سونىمەن قاتار، سپيكەر ءۇش جىل ىشىندە جەر رەسۋرستارىن ۇتىمدى پايدالانۋعا باعىتتالعان اۋقىمدى جۇمىس اتقارىلعانىن اتاپ ءوتتى.
زاڭنامالىق شارالار قابىلداندى، توپىراق جانە گەوبوتانيكالىق زەرتتەۋلەر اياقتالدى، سونداي-اق اۋىل شارۋاشىلىعى القاپتارىنىڭ سيفرلىق دەرەكقورى قۇرىلدى.
بۇل باعىتتاعى جۇمىس جالعاساتىن بولادى. جەردىڭ دەگراداسياسىنا قارسى كۇرەس، كومىرتەكتى شارۋاشىلىقتى دامىتۋ، يننوۆاسيالىق تەحنولوگيالاردى ەنگىزۋ جانە حالىقارالىق ىنتىماقتاستىقتى نىعايتۋ باسىم مىندەتتەر بولىپ قالا بەرەدى.