بۇل – ۇلتتىق كىتاپ پالاتاسىنىڭ ديرەكتورى ءادىل قويتانوۆتىڭ ءسوزى.
ونىڭ ايتۋىنشا، ماسەلەنىڭ سەبەبى نارىقتاعى كىتاپ ساتۋ جانە كىتاپ ساتىپ الۋ مادەنيەتىنە كەلىپ تىرەلەدى، دەپ حابارلايدى Almaty-akshamy.kz
زاماناۋي كىتاپ دۇكەندەرىندە ءقازاقتىلدى اۆتورلاردى قويىپ، قازاقستاندا شىعارىلعان كىتاپتاردىڭ ۇلەسى دە تىم از.
«مەملەكەتتىك باعدارلامالارمەن شىعاتىن كىتاپتار وبلىس، اۋدان ورتالىقتارىنداعى كىتاپحانالارعا جەتكىزىلىپ جاتىر. ءبىراق دۇكەندەرگە جەتپەيدى. سەبەبى باسپالاردىڭ باعدارلاما بويىنشا ورىندالعان تاپسىرىستىڭ ۇستىنە ارتىق تيراج شىعارىپ، ونى كىتاپ دۇكەندەرىنە وتكىزەتىن قۇلقىلارى جوق. سوندىقتان ءبىز بارلىق باسپالارمەن اقىلداسىپ، وسى ماسەلەلەردى شەشۋ جولدارىن قاراستىرىپ جاتىرمىز»، - دەدى ول مادەنيەت جانە سپورت مينيسترلىگىنىڭ كەڭەيتىلگەن القا ماجىلىسىندە.
ونىڭ ايتۋىنشا، ماسەلەنىڭ سەبەبى نارىقتاعى كىتاپ ساتۋ جانە كىتاپ ساتىپ الۋ مادەنيەتىنە كەلىپ تىرەلەدى.
«رەسپۋبليكا تەرريتورياسىندا جۇمىسى جۇيەلەنگەن دۇكەندەردىڭ سورەلەرىندە قازاقستاندىق اۆتورلاردىڭ، ونىڭ ىشىندە قازاق ادەبيەتىنىڭ بەلگىلى اقىن-جازۋشىلارىنىڭ ەڭبەكتەرى سيرەك كەزدەسەدى. ال «مەلومان» جەلىسىنىڭ باسشىلارىنىڭ ايتۋىنشا، ونداعى دۇكەندەردە ەلىمىزدە شىققان كىتاپتاردىڭ ۇلەسى ون-اق پايىز»، - دەدى قويتانوۆ.