سالىق سالاسىندا ەنگىزىلگەن كانيكۋل كەزىندە ءوز جۇمىسىن جاقسى جۇرگىزگەن شاعىن كومپانيالار سانى 23 پايىزعا ءوستى. تەك 2022 جىلدىڭ وزىندە بۇل كورسەتكىش 17 پايىزعا ارتتى، دەپ حابارلايدى اlmaty-akshamy.kz.
«قازاقستاندا تىركەلگەن شاعىن كومپانيالار سانى 2023 جىلدىڭ باسىندا 498 مىڭعا جەتىپ، جىلدىق ءوسىم 5،3 پايىزدى قۇرادى. ونىڭ ىشىندە 390،3 مىڭ شاعىن كاسىپورىن جۇمىس ىستەپ تۇرعان، ءبىر جىلدا ولاردىڭ سانى 13،4 پايىزعا ءوستى. ءوز قىزمەتىندە جاقسى كورسەتكىشتەر بولعان شاعىن كومپانيالار سانى 2022 جىلى بىردەن 17،4%-عا ءوسىپ، 194،4 مىڭعا جەتتى»، - دەلىنگەن Finprom.kz مالىمەتىندە. http://finprom.kz/ru/article/za-period-nalogovyh-kanikul-kolichestvo-aktivnyh-malyh-kompanij-vyroslo-na-23
2020 جىلعى 1 قاڭتاردان باستاپ 2022 جىلدىڭ سوڭىنا دەيىنگى كەزەڭدە ارناۋلى سالىق رەجيمدەرىن قولداناتىن شاعىن كاسىپكەرلىك سۋبەكتىلەرىنە توقتالساق، سالىق سالاسىنداعى كانيكۋل كەزىندە تىركەلگەن شاعىن كومپانيالار سانى 13،7%-عا ارتتى. وسى ورايدا جۇمىس ىستەپ تۇرعاندارى 30،3 پايىزعا، قىزمەتى بەلسەندى كومپانيالار 22،6 پايىزعا ءوستى.
سالىق تولەۋدەن بوساتۋمەن قاتار، كاسىپكەرلىك سۋبەكتىلەرىن تەكسەرۋگە دە موراتوريي ەنگىزىلدى.
قىزمەتى جاقسى ءجۇرىپ جاتقان شاعىن كومپانيالار الماتى قالاسىندا تىركەلدى، ياعني 50،8 مىڭى وسى شاھاردا جۇمىسىن جالعاستىرىپ جاتىر. ودان كەيىنگى ورىندا استانا – 33،3 مىڭ كومپانيا. سونىمەن قاتار، جۇمىسى قارقىندى شاعىن كاسىپكەرلىك سۋبەكتىلەرىنىڭ ەداۋىر بولىگى قاراعاندى وبلىسىنا (11،2 مىڭ)، شىمكەنت قالاسىنا (8،2 مىڭ) جانە پاۆلودار وبلىسىنا (7،9 مىڭ) تيەسىلى.
اتالعان شاعىن كومپانيالاردىڭ كوپشىلىگى ساۋدا، اۆتوموبيل مەن موتوسيكلدەردى جوندەۋ سەكتورىندا جۇمىس ىستەپ كەلەدى. ودان كەيىنگى ورىندا قۇرىلىس سەكتورى تۇر. بۇل ۇشتىككە ءبىلىم بەرۋ سالاسى دا ەندى.