ولار ۋاقىتشا ۇستاۋ يزولياتورىنا قامالدى.
الماتىدا تۇرعىنعا قارۋلى شابۋىل جاساپ، 2،5 ملن تەڭگەسىن يەمدەنىپ العان كۇدىكتىلەر ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«قىلمىس ساين مەن ۇلىقبەك كوشەلەرىنىڭ قيىلىسىنا جاقىن جەردە ورىن العان. تۇنگى ساعات ون بىرلەر شاماسىندا بەس جاس جىگىت ءوتىپ بارا جاتقان ادامعا شابۋىل جاساعان. توناۋشىلار ەر ادامدى پىشاقپەن قورقىتىپ، جابىرلەنۋشىنىڭ تەلەفونىن تارتىپ العان جانە ءموبيلدى بانكينگ ارقىلى جالعان ەسەپشوتقا 2،5 ملن تەڭگە اۋدارۋعا ماجبۇرلەگەن. جەدەل ىزدەستىرۋ ءىس-شارالارى بارىسىندا كۇدىكتىلەردىڭ جەكە باسى انىقتالدى. ولار ۇستالدى. بۇل – الماتى وبلىسىنىڭ 2000، 2001 جانە 2003 جىلى تۋعان تۇرعىندارى. قالادا جاستار جالدامالى پاتەردە تۇردى، ەش جەردە جۇمىس ىستەمەيدى. قازىرگى ۋاقىتتا كۇدىكتىلەر ۋاقىتشا ۇستاۋ يزولياتورىنا قامالدى. ولاردىڭ ارەكەتتەرى ق ر قك-نىڭ 192-بابى 3-بولىگى بويىنشا سارالاندى»، – دەپ حابارلادى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.