بۇدان بۇرىن قازاقستان پرەزيدەنتىنىڭ بىرنەشە زاڭعا قول قويعانىن حابارلاعانبىز.
اتاپ ايتقاندا، پرەزيدەنت «قازاقستان رەسپۋبليكاسىنىڭ كەيبىر زاڭنامالىق اكتىلەرىنە «ازاماتتارعا ارنالعان ۇكىمەت» مەملەكەتتىك كورپوراسياسى، «استانا حاب» حالىقارالىق تەحنولوگيالىق پاركى جانە داكتيلوسكوپيالىق تىركەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى، دەپ حابارلايدى Almaty-akshamy.kz
سونىمەن بىرگە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ۇلتتىق قاۋىپسىزدىكتى قامتاماسىز ەتۋ جانە قازاقستان رەسپۋبليكاسىنىڭ ارناۋلى مەملەكەتتىك ورگاندارىنداعى قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويىلدى.
ەسكە سالا كەتەيىك، بۇعان دەيىن ءماجىلىس ءتولقۇجات پەن جەكە كۋالىك راسىمدەيتىن ازاماتتاردى ساۋساق ءىزىن تاپسىرۋعا مىندەتتەۋ تۋرالى باستامانى زاڭنان الىپ تاستاعان بولاتىن. «مەملەكەتتىك كورپوراسيا ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ەكىنشى وقىلىمدا تالقىلاعان دەپۋتاتتار وسىنداي شەشىم قابىلداعان.