اۋرۋ جۇقتىرۋ كورسەتكىشى 28 كۇندە 388%-عا ءوستى.
ددسۇ اقپاراتىنا ساي، ءولىم-جىتىم ازايعان، دەپ حابارلايدى Almaty-akshamy.kz
ازيادا كوروناۆيرۋس جۇقتىرعاندار سانى 28 كۇندە 388%-عا ءوستى. دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە، وسى كەزەڭدە الەمدە COVID-19 اۋرۋىن جۇقتىرعانداردىڭ جالپى سانى 52%-عا (850 مىڭ ادام جۇقتىرعان) ءوستى.
سونىمەن بىرگە الەمدە كوروناۆيرۋستان بولاتىن ءولىم-جىتىم ورتا ەسەپپەن 8%-عا تومەندەگەن.
دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا ءتورت اپتا ىشىندە الەمدە بارلىعى 854 مىڭ ادام ينفەكسيا جۇقتىرىپ، 3 مىڭنان استام ادام قايتىس بولعان.
بۇعان دەيىن گەرمانيا كانسلەرى ولاف شولستىڭ كوروناۆيرۋس جۇقتىرعانى حابارلاندى.
"COVID-19 ۆيرۋسىن انىقتاۋعا ارنالعان تەست ەكى جولاقتى كورسەتىپ تۇر. سيمپتومدار از بولسا، اۋرۋ جەڭىل وتەدى دەپ كۇتەمىن"، - دەدى شولس.
رەسەي اكادەميگى گەنناديي ونيششەنكو بۇعان دەيىن جاڭا كوروناۆيرۋس پاندەمياسى بولمايدى دەپ مالىمدەدى.