تالقى!
ەلىمىزدە كوروناۆيرۋس ىندەتىمەن كۇرەستە قايتا ۆاكسينالاسيالاۋ ماسەلەسى قارالىپ جاتىر، دەپ حابارلايدى Almaty-akshamy.kz.
بۇل تۋرالى ق ر دەنساۋلىق ساقتاۋ ءمينيسترى الەكسەي سوي ءمالىم ەتتى.
«ريەۆاكسيناسيا - ءقازىر الەم ەلدەرىنىڭ الدىندا تۇرعان ماسەلەنىڭ ءبىرى. بۇگىندە ەلىمىزدە سانەپيدەمقىزمەتتىڭ ماماندارى، عالىمدار مەن دارىگەرلەردەن قۇرىلعان جۇمىس توبى قۇرىلدى. ءوز كەزەگىمىزدە جەتەكشى حالىقارالىق اگەنتتىكتەر مەن دۇنيەجۇزىلىك دەنساۋلىق ساقتاۋ ۇيىمىنان اقپارات سۇراتتىق. حالىقارالىق تاجىريبە نازاردان تىس قالمايدى. تاعى ءبىر جايت، قازىرگى ۋاقىتتا ريەۆاكسيناسياعا قاتىستى ناقتى كريتەرييلەر جوق، ويتكەنى COVID-19 ريەۆاكسيناسياسى - بۇل جاڭا دۇنيە. بارلىق دەرەكتەردى جيناقتاپ، يممۋنداۋ جونىندەگى كونسۋلتاتيۆتىك كوميسسيانىڭ قورىتىندىسىنان كەيىن ريەۆاكسيناسيا تۋرالى جالپى جۇرتشىلىققا ناقتى اقپارات بەرىلەتىن بولادى»، - دەدى الەكسەي سوي ق ر ۇكىمەتى ۇيىندە وتكەن باسپا ءسوز ءماسليحاتىندا.
ءمينيستردىڭ ايتۋىنشا، قاجەت جاعدايدا ريەۆاكسيناسياعا ەلىمىزدىڭ مەديسينالىق نىساندارى مەن ماماندارى تولىق دايىن.