ەپيدەميولوگيالىق جاعداي جاقسارۋدا
قازاقستاندا ەپيدەميولوگيالىق جاعداي جاقسارىپ كەلەدى. بۇگىنگى ەپيدجاعداي تۋرالى ەلىمىزدىڭ دەنساۋلىق ساقتاۋ ءمينيسترى الەكسەي سوي ايتىپ بەردى، دەپ حابارلايدى Almaty-akshamy.kz.
ق ر دەنساۋلىق ساقتاۋ ءمينيسترى الەكسەي سوي ەلدەگى ەپيداحۋالعا قاتىستى پىكىرىن ءبىلدىردى.
«قازاقستاندىقتار كوروناۆيرۋس داۋىرىندە ءومىر ءسۇرىپ جاتقانىن ءتۇسىنۋ كەرەك. قازىرگى ۋاقىتتا 6 ميلليوننان استام قازاقستاندىق تولىق ۆاكسينا الدى. بۇگىندە حالىقتىڭ بەلگىلى ءبىر بولىگىندە يممۋندىق قابىلەت جاقسارىپ، سايكەسىنشە، ەپيدجاعداي جاقسارىپ كەلەدى»، - دەدى ا. سوي ۇكىمەت ۇيىندە وتكەن باسپا ءسوز ءماسليحاتىندا. سونداي-اق، مينيستر ەلىمىزدە سالتاناتتى ءىس-شارا وتكىزۋگە رۇقسات بەرۋگە قاتىستى ءوز پىكىرىن ءبىلدىردى. «ەپيداحۋال جانە داعدارىس كەزىندە بيزنەستى قولداۋ، ولاردىڭ قاۋىپسىزدىگىن قامتۋ ماڭىزدى. توي-دۋمان وتكىزۋگە رۇقسات بەرىلگەنىمەن، ونىڭ ناقتى تالابى بارىن ۇمىتپاعان ءجون. ول تالاپتاردىڭ ساقتالۋىن سانيتارلىق-ەپيدەميولوگيالىق باقىلاۋ قىزمەتى قاداعالايتىن بولادى. وسى ورايدا بيزنەس وكىلدەرىن كارانتين تالاپتارىن جۇمسارتۋىمىزعا تۇسىنىستىك تانىتىپ، جۇمىس بارىسىندا ورتاق ەرەجەنى قاتاڭ ساقتاۋعا شاقىرامىز»، - دەيدى ول.