مەملەكەت باسشىسى قاسىم-جومارت توقايەۆ 4 مامىر كۇنى قازاقستان رەسپۋبليكاسىنىڭ اكىمشىلىك-اۋماقتىق قۇرىلىسىنىڭ كەيبىر ماسەلەلەرى تۋرالى جارلىققا قول قويعان ەدى. وندا جاڭادان ءۇش وبلىس قۇرۋ تۋرالى ايتىلعان. قۇجات بۇگىننەن، ياعني 8 ماۋسىمنان، باستاپ كۇشىنە ەندى، دەپ حابارلايدى اlmaty-akshamy.kz.
«1) شىعىس قازاقستان وبلىسىنىڭ قۇرامىنان اقسۋات، اباي، اياگوز، بەسقاراعاي، بورودۋليحا، جارما، ءۇرجار، كوكپەكتى اۋداندارىن، سەمەي جانە كۋرچاتوۆ قالالارىن ءبولۋ جولىمەن اكىمشىلىك ورتالىعى سەمەي قالاسىندا ورنالاساتىن اباي وبلىسى؛
2) الماتى وبلىسىنىڭ قۇرامىنان اقسۋ، الاكول، ەسكەلدى، قاراتال، كەربۇلاق، كوكسۋ، پانفيلوۆ، سارقان اۋداندارىن، تالدىقورعان جانە تەكەلى قالالارىن ءبولۋ جولىمەن اكىمشىلىك ورتالىعى تالدىقورعان قالاسىندا ورنالاساتىن جەتىسۋ وبلىسى؛
3) قاراعاندى وبلىسىنىڭ قۇرامىنان جاڭاارقا، ۇلىتاۋ اۋداندارىن، جەزقازعان، قاراجال جانە ساتبايەۆ قالالارىن ءبولۋ جولىمەن اكىمشىلىك ورتالىعى جەزقازعان قالاسىندا ورنالاساتىن ۇلىتاۋ وبلىسى قۇرىلسىن»، - دەلىنگەن پرەزيدەنت جارلىعىندا.
جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلگەن ەدى. سونداي-اق، ونىڭ 8 ماۋسىمنان باستاپ كۇشىنە ەنەتىنى جازىلعان.
«جارلىق 2022 جىلعى 8 ماۋسىمنان باستاپ قولدانىسقا ەنگىزىلەدى جانە رەسمي جاريالانۋعا ءتيىس»، - دەلىنگەن قۇجاتتا.