ونەركاسىپ جانە قۇرىلىس ۆيسە-مينيسترى قۋاندىق قاجكەنوۆ ۇكىمەت وتىرىسىندا قۇرىلىس سالاسىن سيفرلىق ترانسفورماسيالاۋ بويىنشا جۇرگىزىلىپ جاتقان جۇمىستار تۋرالى باياندادى، دەپ حابارلايدى aqshamnews.kz.
ول مينيسترلىك قۇرىلىستا جۇمىستىڭ بارلىق كەزەڭدەرىن: جوسپارلاۋ، جوبالاۋ جانە وبەكتىنى سالۋ پروسەسىن باقىلاۋدى قامتيتىن ءبىرىڭعاي پورتال قۇرىپ جاتقانىن اتاپ ءوتتى. ءبىرىڭعاي تەرەزە قاعيداتى بويىنشا پورتالدا قاجەتتى قىزمەتتەردى الۋ كەزىندە سالالىق جۇيەلەرگە جىكسىز كوشۋ مۇمكىندىگى قامتاماسىز ەتىلەدى.
«قازىرگى ۋاقىتتا جۇيە 89 قالانىڭ قالالىق جوبالارىن جانە ينجەنەرلىك ينفراقۇرىلىمنىڭ 92،4%-ىن قامتيدى. قالا قۇرىلىسى قىزمەتىنىڭ اشىقتىعىن، قالا جوبالارىن ازىرلەۋ مەن ىسكە اسىرۋدىڭ سايكەستىگىن قامتاماسىز ەتۋ ماقساتىندا مينيسترلىك نىساننىڭ بىرەگەي ءنومىرىن ەنگىزۋدى پىسىقتادى. بۇل بىرىزدەندىرۋ قۇجاتتاردىڭ باستامادان باستاپ پايدالانۋعا ەنگىزىلگەنگە دەيىنگى نىسانالى ماقساتقا سايكەستىگىن تۇپكىلىكتى تەكسەرۋدى قامتاماسىز ەتەدى»،— دەدى ونەركاسىپ جانە قۇرىلىس ۆيسە-مينيسترى قۋاندىق قاجكەنوۆ.سونداي-اق، قۇرىلىس مونيتورينگى شەڭبەرىندە مينيسترلىك جاساندى ينتەللەكتى پايدالانا وتىرىپ، باس جوسپارلار مەن ەگجەي-تەگجەيلى جوسپارلاۋ جوبالارىنىڭ ىسكە اسىرىلۋىن باقىلاۋدان كەيىنگى تەحنولوگيانى پيلوتتاۋ جونىندەگى جۇمىستى جوسپارلاپ وتىر.
جوبانىڭ ءمانى ەلدى مەكەندەردىڭ اۋماعىن اينالىپ ءوتۋ كەزىندە كومپيۋتەرلىك كورۋدى قولدانۋ بولىپ سانالادى. الىنعان ناتيجە جۇيەدە ەگجەي-تەگجەيلى جوسپارلاۋدىڭ سيفرلىق جوباسىمەن جانە باس جوسپارمەن سالىستىرىلۋى كەرەك. بەكىتىلگەن قالا قۇرىلىسى جوبالارى بولىنىسىندە الشاقتىق فاكتىلەرى انىقتالعان جاعدايدا، جۇيە قاجەتتى شارالاردى قولدانۋ ءۇشىن مەملەكەتتىك ساۋلەت-قۇرىلىس باقىلاۋ ورگاندارىنا حابارلاما قالىپتاستىراتىن بولادى.
سيفرلاندىرۋدىڭ كەلەسى ماڭىزدى باعىتى قۇرىلىس كەزەڭى بولىپ سانالادى. قۇرىلىس ۇدەرىسىن سيفرلاندىرۋ ءۇشىن ە-Qurylys قۇرىلىسىنىڭ بارلىق قاتىسۋشىلارى ءۇشىن ءبىرىڭعاي سيفرلىق الاڭ كوزدەلگەن.
E-Qurylys كەلەسى مۇمكىندىكتەردى قامتيدى:
➤ اتقارۋشىلىق-تەحنيكالىق قۇجاتتامانى جۇرگىزۋ؛
➤ تەحنيكالىق قاداعالاۋ تۋرالى ەسەپ بەرۋ؛
➤ پروفيلاكتيكالىق باقىلاۋ؛
➤ بىلىكتىلىك تالاپتارىنا سايكەستىگىن تەكسەرۋ؛
➤ ينجەنەرلىك-تەحنيكالىق قىزمەتكەرلەردىڭ، ساراپشىلاردىڭ، رۇقساتتاردىڭ تىزىلىمدەرىن جۇرگىزۋ.
بۇل جۇيەنى بيۋدجەت قاراجاتى جانە كۆازيمەملەكەتتىك سەكتور ەسەبىنەن ىسكە اسىرىلاتىن نىساندار بويىنشا قولدانۋ مىندەتتى.
ەلىمىزدە قالا قۇرىلىسى سالاسىنىڭ ساراپتاماسى جەتىلدىرىلۋدە
قۇرىلىس سالۋ تىعىزدىعىنا جول بەرمەۋ ماقساتىندا قازاقستاندا ءبىرىڭعاي قالا قۇرىلىسى ساراپتاماسى ەنگىزىلدى. بۇل تۋرالى ۇكىمەت وتىرىسىندا ونەركاسىپ جانە قۇرىلىس ۆيسە-مينيسترى قۋاندىق قاجكەنوۆ مالىمدەدى.
ول جاڭا مەحانيزم قالا قۇرىلىسىن جوسپارلاۋ كەزەڭىندە قۇرىلىس نورمالارىنان اۋىتقۋدى، سونداي-اق ەگجەي-تەگجەيلى جوسپارلاۋ جوبالارىنىڭ بەكىتىلگەن باس جوسپارلارعا سايكەس كەلمەۋىن بولدىرماۋعا مۇمكىندىك بەرەتىنىن اتاپ ءوتتى.
«قالا قۇرىلىسى ساراپتاماسىنان وتكەننەن كەيىن قالا قۇرىلىسى جوباسىنىڭ ەتالوندىق نۇسقاسى قالا قۇرىلىسى كاداسترى جۇيەسىنە تۇسەدى، وسىلايشا جوسپارلاۋدىڭ اشىقتىعى قامتاماسىز ەتىلەدى»،— دەپ ءتۇسىندىردى قۋاندىق قاجكەنوۆ.سونىمەن قاتار سپيكەر اتاپ وتكەندەي، اۆتوماتتاندىرۋ ماقساتىندا بىلتىرعى قاراشا ايىندا 89 قالادا باستاپقى-رۇقسات قۇجاتتارىن بەرۋدىڭ، ەسكيزدىك جوبالاردى كەلىسۋدىڭ جانە قالا كاداسترى جۇيەسى ارقىلى تەحنيكالىق شارتتاردى بەرۋدىڭ پيلوتتىق جوباسى ىسكە قوسىلدى. بۇگىنگى تاڭدا قىزمەتتەر جۇيە ارقىلى شتاتتىق رەجيمدە كورسەتىلۋدە.
پيلوتتى جوبا ىسكە قوسىلعان ساتتەن باستاپ جۇيە ارقىلى كەلىپ تۇسكەن وتىنىشتەردىڭ 91%-ى كورسەتىلگەن.