قاداعالاۋعا زور ىقپالىن تيگىزەدى.
قازاقستان ۇكىمەتى قۇرىلىس ساپاسىنا باقىلاۋدى كۇشەيتۋدى كوزدەپ وتىر، وسى ماقساتتا ارنايى پورتال ىسكە قوسىلدى، دەپ حابارلايدى Almaty-akshamy.kz.
«قازاقستاندا قۇرىلىس ساپاسىنا باقىلاۋ كۇشەيتىلەدى. وسى ماقساتتا ق ر يندۋستريا جانە ينفراقۇرىلىمدىق دامۋ مينيسترلىگى ءبىرىڭعاي قۇرىلىس پورتالىن ازىرلەدى. اتالعان جۇيە ءبىرىڭعاي سيفرلىق ورتادا قۇرىلىستىڭ بارلىق قاتىسۋشىلارىن شوعىرلاندىرۋعا مۇمكىندىك بەرىپ، جۇمىس ساپاسىن قاداعالاۋعا زور ىقپالىن تيگىزەدى»، - دەلىنگەن مينيسترلىكتىڭ باسپا ءسوز قىزمەتىنىڭ حابارلاماسىندا.
سونىمەن قاتار پورتال جوبالاۋ-سمەتالىق قۇجاتتامانى ۆەدومستۆودان تىس ساراپتاما پورتالىنان اۆتوماتتى تۇردە ءتۇسىرۋدى جانە بارلىق قۇرىلىس قۇجاتتاماسىن سيفرلىق تۇردە (اكتىلەر، جۋرنالدار، نۇسقامالار) راسىمدەۋگە مۇمكىندىك بەرەدى.
قازىرگى كۇندە جۇيەگە ەلىمىزدە جۇرگىزىلىپ جاتقان قۇرىلىس نىساندارى تۋرالى دەرەكتەر بازاسى جۇكتەلىپ، ساراپشىلاردى تەستىلەۋ بويىنشا مودۋلدەر ىسكە قوسىلدى.
جۇيە تەست تاپسىرۋ كەزىندە تەستىلەنۋشى ماماننىڭ ءتۇپنۇسقالىعىن اۆتوماتتى تۇردە تەكسەرەدى. وسى ارقىلى تەستىلەنۋشىنىڭ باسقا اداممەن اۋىستىرۋ فاكتىسىن الدىن الادى.
تەحنيكالىق قاداعالاۋ ۇيىمدارى ەسق ارقىلى قۇرىلىس بارىسى تۋرالى مالىمەتتەردى جانە فوتوماتەريالداردى تىركەي وتىرىپ، اي سايىن ەسەپ بەرەدى. بۇل مسقب-عا سالىنىپ جاتقان وبەكتىلەرگە كامەرالدىق مونيتورينگ جۇرگىزۋگە مۇمكىندىك بەرەدى.
بۇدان وزگە، ييدم جاۋاپتى مەملەكەتتىك ورگاندار تاراپىنان قۇرىلىسقا باقىلاۋدى كۇشەيتۋدى دە جوسپارلاپ وتىر.
بۇگىنگى تاڭدا وسى تاراپتاعى ءتيىستى زاڭناماعا ءتيىستى تۇزەتۋلەر ەنگىزىلۋدە.
مينيسترلىكتىڭ بۇل باستاماسى ساپاسىز قۇرىلىس جۇمىستارىنىڭ الدىن الۋعا، قۇرىلىسى سىن كوتەرمەيتىن نىسانداردى پايدالانۋعا جانە قابىلداۋعا توسقاۋىل قويادى.