قۇرىلىستا جۇمىس ىستەگەن كومپانيالار سانى 50،3 مىڭ بولدى.
قۇرىلىس سالاسى – ەل ەكونوميكاسىنىڭ قوزعاۋشى كۇشى. بيىل دا اتالمىش سەكتور كولەمىنىڭ ءوسۋ قارقىنى بايقالادى. مىسالى، 2022 جىلدىڭ 6 ايىنىڭ قورىتىندىسى بويىنشا، ءجىو ءبىر جىلدا 3،6%-عا ۇلعايسا، قۇرىلىس سالاسىنداعى ءوسىم 9،2%-عا جەتكەن. بۇل سالا اقپارات جانە بايلانىس سالاسىمەن قاتار كوش باستاپ تۇر (+12،6%)، دەپ حابارلايدى Almaty-akshamy.kz Inbusiness.kz سىلتەمە جاساپ.
بۇگىندە قۇرىلىس سالاسى ەلدىڭ ءجىو-نىڭ 5%-ىن "تازا" قۇراپ وتىر. ول وڭدەۋ ونەركاسىبى، ماشينا جاساۋ مەن قۇرىلىس ماتەريالدارىن ءوندىرۋ، ساۋدا، كولىكتىك-لوگيستيكالىق سالا جانە باسقا دا سالالاردى ىنتالاندىرادى.
بۇدان بولەك، ول ەلىمىزدىڭ الەۋمەتتىك-ەكونوميكالىق دامۋىنا دا ايتارلىقتاي ۇلەس قوسىپ كەلەدى. سەكتوردا 637،5 مىڭ ادام جۇمىس ىستەيدى. قۇرىلىس سالاسى ساۋدا، اگروونەركاسىپتىك كەشەن جانە ءبىلىم بەرۋ سالالارى سياقتى جۇمىس بەرۋشى رەتىندە كوش باستاپ تۇر. قۇرىلىستا جۇمىسپەن قامتىلعاندار سانى ەلدەگى بارلىق جۇمىسپەن قامتىلعانداردىڭ 7،2%-ىن قۇرايدى. ال، ناقتى سەكتورداعى (قۇرىلىس، ونەركاسىپ، اوك، كولىك جانە بايلانىس سالالارى كىرەدى) جۇمىسپەن قامتىلعانداردىڭ 17،4%-ى تيەسىلى.
سونىمەن قاتار قۇرىلىس سالاسى قازاقستانداعى بيزنەس-بەلسەندىلىككە دە ىقپال ەتىپ وتىر. سەبەبى بۇل سەكتور كومپانيا سانى بويىنشا ەلىمىزدە الدىڭعى ورىندا تۇر.
وسى جىلدىڭ تامىز ايىندا قۇرىلىستا جۇمىس ىستەگەن كومپانيالار سانى 50،3 مىڭ بولدى. وتكەن جىلدىڭ سايكەس كەزەڭىمەن سالىستىرعاندا 11،2%-عا ارتىق. بۇل ەلدەگى بارلىق جۇمىس ىستەپ تۇرعان كاسىپورىنداردىڭ 13،3%-ىن جانە ناقتى سەكتورداعى بارلىق كاسىپورىننىڭ 41،9%-ىن قۇرادى.