2022 جىلعى قاڭتار-قىركۇيەك ارالىعىندا قۇمار ويىندار مەن ءباس تىگۋدى ۇيىمداستىرۋ بويىنشا قىزمەتتەر كولەمى 456،2 ملرد تەڭگەنى قۇرادى.
بۇل 2021 جىلدىڭ سايكەس كەزەڭىمەن سالىستىرعاندا 8،5 ەسەگە كوپ، دەپ حابارلايدى Almaty-akshamy.kz.
Cەكتورداعى قىزمەتتەردىڭ ەڭ كوپ كولەمى ورتا كاسىپورىندارعا تيەسىلى (276،4 ملرد تەڭگە). ودان كەيىنگى ورىنداردا شاعىن (163،1 ملرد تەڭگە) جانە ءىرى كاسىپورىندار (16،7 ملرد تەڭگە) ورنالاستى. جەكە كاسىپكەرلەر 9،9 ملن تەڭگەنىڭ قىزمەتىن كورسەتتى.
وسى تۇستا 2021 جىلى قىزمەتتەردىڭ ەڭ ۇلكەن كولەمى شاعىن كومپانيالارعا (38،1 ملرد تەڭگە)، ودان كەيىن ءىرى (9،9 ملرد تەڭگە) جانە ورتا كاسىپورىندارعا (تەك 5،8 ملرد تەڭگە) تيەسىلى بولعانىن ايتا كەتۋ كەرەك.
مەنشىك نىسانى بويىنشا جەكە كومپانيالار سەكتورداعى قىزمەتتەردىڭ جالپى كولەمىندە 293،3 ملرد تەڭگەنى قامتاماسىز ەتتى. بۇل 2021 جىلعى قاڭتار-قىركۇيەك ايلارىمەن سالىستىرعاندا 17 ەسەگە كوپ.
قىزمەتتەردىڭ ايتارلىقتاي كولەمى 162،9 ملرد تەڭگە شەتەلدىك كومپانيالارعا تيەسىلى. بۇل 2021 جىلعا قاراعاندا 4،5 ەسە ارتىق.