بالالار ءۇيى بالالاردىڭ قولداۋ ورتالىعى بولىپ قايتا قۇرىلادى - مينيستر.
بۇل تۋرالى ب ا ق وكىلدەرىنىڭ ساۋالدارىنا جاۋاپ بەرگەن وقۋ-اعارتۋ ءمينيسترى عاني بەيسەمبايەۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«كاسىبي پاتروناتتىق وتباسىنىڭ ارتىقشىلىعى – جەتىم جانە اتا-انا قامقورلىعىنسىز قالعان بالالاردى بالالار ۇيىنە ەمەس، بىردەن پاتروناتتىق وتباسىنا بەرۋ مۇمكىندىگى. بۇعان دەيىن جەتىمدەر الدىمەن بالالار ۇيىندە تىركەلىپ، سودان سوڭ عانا اسىراپ الۋ ماسەلەسى قارالدى. ەندى جاڭا زاڭ بويىنشا بالانى كاسىبي پاتروناتتىق وتباسىعا تىكەلەي بەرۋگە بولادى. ياعني بالا وتباسىنىڭ جىلۋىن سەزىنىپ وسەدى. دەگەنمەن بۇل ەلىمىزدە بالالار ءۇيى جابىلادى دەگەن ءسوز ەمەس. دۇرىسىراق ايتقاندا، بالالاردى قولداۋ ورتالىعى بولىپ قايتا قۇرىلادى»،- دەدى وقۋ-اعارتۋ ءمينيسترى عاني بەيسەمبايەۆ ۆەدومستۆونىڭ كەڭەيتىلگەن القا وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرىپ.
ءمينيستردىڭ ايتۋىنشا، اتالعان باعىتتاعى جۇمىس سالا ماماندارى جانە ساراپشىلارمەن ودان ءارى پىسىقتالادى.