مال شارۋاىلىعىنىڭ ءوندىرىسى وسكەنىمەن، ەت باعاسى ارزانداماعان.
ءبىر جىلدىڭ ىشىندە قازاقستاندا قوي ەتى 15،4%-عا، جىلقى ەتى 11،8%-عا، شوشقا ەتى 10،2%-عا، سيىر ەتى 8،3%-عا قىمباتتاعان. ناتيجەسىندە ءبىر جىلدا ەت باعاسى 11%-عا وسكەن، دەپ حابارلايدى Almaty-akshamy.kz Energyprom.kz سىلتەمە جاساپ.
ۇستىمىزدەگى جىلدىڭ قاڭتار ايىندا مال شارۋاشىلىعىنداعى ونىمدەردىڭ جالپى ءوندىرىسىنىڭ كورسەتكىشى 186،1 ملرد تەڭگەگە جەتكەنى بەلگىلى بولدى. بۇل كورسەتكىش بويىنشا، 30،1 ملرد تەڭگەمەن الماتى وبلىسى تۇر، بۇل وتكەن جىلمەن سالىستىرعاندا 2،6%-عا كوپ. سونداي-اق ۇزدىك ۇشتىككە تۇركىستان جانە اقمولا وبلىستارى ەندى.
2021 جىلعى قاڭتار-جەلتوقساندا مال شارۋاشىلىعى ونىمدەرىنىڭ جالپى شىعارىلىمى 3،1 ترلن تەڭگە بولدى، وتكەن جىلمەن سالىستىرعاندا ناقتى ماندە 3،6%-عا ارتىق.
2022 جىلعى 1 اقپاندا قازاقستاندا 3،4 ملن باس جىلقى 11،3%-عا، 47،3 ملن قۇس 9،2%-عا، 241،5 مىڭ باس تۇيە 7،5%-عا، 18،5 ملن باس قوي 4،5%-عا، 8،3 ملن باس ءىرى قارا مال 3،9%-عا، ونىڭ ىشىندە 4،2 ملن باس سيىر 5،4%-عا وسكەن.
شوشقا سانى 2،6%-عا نەمەسە 823،3 مىڭ باسقا دەيىن، ەشكى 1،2%-عا نەمەسە 2،3 ملن باسقا دەيىن ازايعان.
مال شارۋاشىلىعىندا ءوندىرىس وڭ ناتيجە كورسەتىپ وتىر. بيىل قاڭتاردا تاۋىق جۇمىرتقاسىن ءوندىرۋ ءبىر جىلدا 18،4%-عا نەمەسە 369،7 ملن داناعا دەيىن وسكەن.
ءسۇت ءوندىرىسى 259،3 مىڭ توننانى قۇرايدى، بۇل وتكەن جىلمەن سالىستىرعاندا 1،5% ارتىق.
ءىرى قارا مالدىڭ تەرىسىن ءوندىرۋ 0،2%-عا نەمەسە 217 مىڭ داناعا دەيىن وسكەن. ۇساق مالدىڭ تەرىسىن ءوندىرۋ 0،4%-عا نەمەسە 424،6 مىڭ داناعا ازايعان.
2022 جىلعى قاڭتاردىڭ قورىتىندىسى بويىنشا، قازاقستان بويىنشا بولشەك ساۋدا ورىندارىندا ەت پەن قۇس ەتىنىڭ باعاسى ءبىر جىلدا 11،3%-عا وسكەن. ونىڭ ىشىندە قوي ەتى 15،4%-عا، جىلقى ەتى 11،8%-عا، شوشقا ەتى 10،2%-عا، سيىر ەتى 8،3%-عا قىمباتتادى. پىسىرىلگەن شۇجىقتىڭ باعاسى 7،2%-عا، جارتىلاي ىستالعان شۇجىق 9،1%-عا وسكەن.
ەلدەگى دۇكەندەر مەن بازارلاردا 1 كەلى سيىر ەتىنىڭ ورتاشا باعاسى – 2،2 مىڭ تەڭگە، قوي ەتى – 2،4 مىڭ تەڭگە، شوشقا ەتى – 1،9 مىڭ تەڭگە، جىلقى ەتى – 2،6 مىڭ تەڭگەنى قۇرادى. پىسىرىلگەن شۇجىقتىڭ باعاسى ورتا ەسەپپەن 2،2 مىڭ تەڭگە (1 كەلىسى)، جارتىلاي ىستالعان شۇجىق 2،6 مىڭ تەڭگە تۇرادى.