قاۋىمداستىققا بىرنەشە اقپارات اگەنتتىگى كىرەدى.
اقپاراتتىق الاڭدا وزىندىك باعىت-باعدارى بار، تۇراقتى اۋديتورياسى قالىپتاسقان ءقازاقتىلدى سايتتار، گازەت-جۋرنالدار باس بىرىكتىرىپ، «قازاق مەدياقاۋىمداستىعىن» قۇردى، دەپ حابارلايدى Almaty-akshamy.kz
جاڭادان قۇرىلعان «قازاق مەدياقاۋىمداستىعىنىڭ» پرەزيدەنتى بولىپ سايلانعان جۋرناليست دۋمان بىقاي ءقازاقتىلدى اۋديتوريانىڭ بۇرىنعىداي بۇيىعى ەمەس، كەرىسىنشە، بەلسەندى بولىپ كەلە جاتقانىن اتاپ ءوتتى.
«بۇگىندە توي-بيزنەس پەن شوۋ-بيزنەستىڭ توڭىرەگىندەگى كونتەنت ۋاقىتتىڭ ەلەگىنەن وتپەدى. ويتكەنى وقىرمان وزگەردى. ەسەيدى. كەز كەلگەن شەشىمدى ءقازاقتىلدى ورتانىڭ قاس-قاباعىنا قاراپ قابىلدايتىن زامان كەلە جاتىر. وسى رەتتە سوڭعى كەزدە قاستەرلى قۇندىلىقتارىمىزعا ءتىل تيگىزگەن ارەكەتتەردىڭ جيىلەپ كەتكەنىن ەسكەرسەك، ولارعا قارىمتا قايتارىپ، توسقاۋىل قويۋدىڭ دا ءوز تەتىگى بولۋى كەرەك ەكەنىن ۇمىتپاۋ قاجەت»، – دەدى دۋمان بىقاي.
قاۋىمداستىق باسشىسى سونداي-اق ەلىمىزدەگى كۆازيسەكتوردىڭ ءالى كۇنگە دەيىن ءوز الەمىندە ءومىر سۇرەتىنىن، ءقازاقتىلدى مەديامەن قويىن-قولتىق جۇمىس ىستەيتىن ۇلتتىق، شەتەلدىك كومپانيالار جوققا ءتان ەكەنىنە توقتالدى.
«قازاق مەدياقاۋىمداستىعى» وسى ولقىلىقتىڭ ورنىن تولتىرۋدى كوزدەپ وتىر. ءقازاقتىلدى سەگمەنتتىڭ ساتىپ الۋ قابىلەتى تومەن دەگەن ستەرەوتيپتەن ارىلاتىن كەز كەلدى دەپ سانايمىز. قاۋىمداستىقتى اقپاراتتىق الاڭداعى بيلىك پەن قارجى ينستيتۋتتارى ساناساتىن بەلدى، بەلسەندى قۇرىلىمعا اينالدىرۋدى كوزدەپ وتىرمىز»، – دەدى د. بىقاي.