دەنساۋلىق ساقتاۋ ءمينيسترى اجار عينيات مەديسينالىق قىزمەت كورسەتۋدى جۇزەگە اسىرۋ، سونداي-اق جازعى كانيكۋل كەزەڭىندە بالالاردىڭ ساۋىقتىرۋ دەمالىسى، بوس ۋاقىتى جانە جۇمىسپەن قامتۋ ۇيىمدارىندا بولۋ جاعدايلارىنىڭ قاۋىپسىزدىگىنە سانيتاريالىق-ەپيدەميولوگيالىق باقىلاۋدى ۇيىمداستىرۋ تۋرالى ايتتى، - دەپ حابارلايدى Almaty-akshamy.kz.
ۇكىمەت وتىرىسىندا ءسوز سويلەۋ بارىسىندا مينيستر اكىمدىكتەردىڭ مالىمەتىنشە، بيىل جازعى ماۋسىمدا 12 مىڭعا جۋىق لاگەر، ونىڭ ىشىندە 11 مىڭنان اسا مەكتەپ جانىنداعى لاگەر، 236-عا جۋىق قالا ماڭىنداعى ساۋىقتىرۋ لاگەرىن (ونىڭ ىشىندە 18 جىل بويى جانە 218 ماۋسىمدىق) اشۋ جوسپارلانعانىن، ولاردىڭ بازاسىندا 1 ميلليون 600 مىڭنان اسا بالا ساۋىقتىرىلاتىنىن ايتتى.
"مساك دەڭگەيىندە باراتىن بالالاردى مەديسينالىق تەكسەرۋ، ونىڭ ىشىندە يممۋندىق مارتەبەسىن، دەنساۋلىق جاعدايى تۋرالى انىقتامالار بەرە وتىرىپ، ينفەكسيالىق ناۋقاستارمەن بايلانىسىنىڭ جوقتىعىن تەكسەرۋ ۇيىمداستىرىلادى. قالا ماڭىنداعى لاگەرلەردە 400-گە جۋىق مەديسينا قىزمەتكەرى مەديسينالىق قىزمەت كورسەتەدى"، - دەدى ۆەدومستۆو باسشىسى.