قازاقستان قانداستارعا تەگىن ءبىلىم بەرۋگە دايىن.
تەك كورشىلەس وزبەك ەلىندەگى وتانداستارىمىز رەسپۋبليكانىڭ 7 ۋنيۆەرسيتەتىندە وقي الادى. بۇل تۋرالى قازاقستاندىق جوعارى وقۋ ورىندارىنىڭ تاشكەنتتەگى جەرگىلىكتى قازاقتارمەن كەزدەسۋى بارىسىندا ايتىلدى، دەپ حابارلايدى Almaty-akshamy.kz.
ايتا كەتەيىك، قازاقستاندىق ءبىلىم وردالارى قانداستارعا تاريحي وتاندا ءبىلىم الۋ مۇمكىندىگىن تۇراقتى تۇردە ۇسىنىپ كەلەدى. مەملەكەتتىك گرانتتار بويىنشا بولىنەتىن كۆوتانىڭ 4 پايىزى شەت ەلدەگى قازاقتارعا تيەسىلى.
«بىزدە، ماسەلەن، 128-گە جۋىق جوو بولسا دا، وقيتىن بالالار كوپ. سوندىقتان بۇلاردى شەتەلدە دە وقىتىپ جاتىرمىز. قازاقستاننان 7 ۋنيۆەرسيتەت كەلىپ، جاستارىمىزدى وقۋعا تارتىپ جاتقانىنا ريزامىز. وسىنداي بارىس-كەلىسىمىز جوعالماسىن»، - دەيدى وزبەكستانداعى قازاق مادەني ورتالىعىنىڭ ءتوراعاسى سەرىكباي ۇسەنوۆ.