جاستارعا ارنالعان 150 قالالىق بوس ۋاقىتتى ءتيىمدى وتكىزۋ ورتالىقتارىنىڭ تەگىن جارمەڭكەسى وتەدى
2022 جىلدىڭ 10 قىركۇيەگىندە م.گاندي اتىنداعى ساياباقتا الماتى قالاسى جاستار ساياساتى باسقارماسى مەن مەملەكەتتىك جاستار ساياساتىن دامىتۋ قورىنىڭ ۇيىمداستىرۋىمەن «BALA FEST» قالالىق فەستيۆالى وتەدى، دەپ حابارلايدى Almaty-akshamy.kz.
اۋقىمدى شارا اياسىندا – جاستارعا ارنالعان 150 قالالىق بوس ۋاقىتتى ءتيىمدى وتكىزۋ ورتالىقتارىنىڭ تەگىن جارمەڭكەسى وتەدى. بوس ۋاقىتتى ءتيىمدى وتكىزۋ ورتالىقتارى – بۇل جاستار وقۋدان نەمەسە جۇمىستان بوس ۋاقىتىندا شىعارماشىلىقپەن، سپورتپەن جانە ءوزىن-وزى دامىتۋمەن اينالىساتىن كلۋبتار. جاستاردىڭ تۇرعىلىقتى جەرىندە، جەكە ۋاقىتىن ۇيىمداستىرۋعا باعىتتالعان ورتالىقتار بولىپ تابىلادى. ال بۇل ءوز كەزەگىندە، قۇقىق بۇزۋشىلىقتىڭ الدىن الۋ، ناشاقورلىق، شىلىم شەگۋ، تاعى باسقا الەۋمەتتىك كەلەڭسىز قۇبىلىستارمەن كۇرەسۋ سياقتى ماسەلەلەردى شەشۋگە ىقپال ەتەدى.
سونىمەن قاتار، بارلىق قوناقتار ءۇشىن شارا بارىسىندا ويىن-ساۋىق كونسەرتتىك باعدارلاما، دامىتۋشى ماستەر-كلاستار، سپورتتىق جارىستار جانە ت.ب. ۇيىمداستىرىلعان.
الماتىلىقتار فەستيۆال اياسىندا قالامىزدىڭ تالانتتى جاسوسپىرىمدەرى مەن جاستارى جانە بوس ۋاقىتتى ءتيىمدى وتكىزۋ ورتالىقتارىنىڭ تاربيەلەنۋشىلەرى دايىنداعان كونسەرتتىك باعدارلامانى تاماشالاي وتىرىپ، ءاربىر ورتالىق تۋرالى يميدجدىك بەينەروليكتەرمەن تانىسادى. ساياباقتا سەرۋەندەۋمەن قوسا، وزدەرىنىڭ بارلىق تىلەكتەرى مەن تالاپتارىنا ساي كەلەتىن ورتالىقتى تابا الادى.