مەديسينالىق مەدبيكەلەر مەن مەيىرگەرلەرگە سۇرانىس جوعارى.
قازاقستاننىڭ ەڭبەك نارىعىندا مەديسينالىق مەدبيكەلەر مەن مەيىرگەرلەرگە، سانيتارلار، تاربيەشىلەر مەن ولاردىڭ كومەكشىلەرىنە سۇرانىس جوعارى بولىپ وتىر، دەپ حابارلايدى Almaty-akshamy.kz.
«اعىمداعى جىلدىڭ ناۋرىز ايىنىڭ قورىتىندىسى بويىنشا، ەەب-دا وتە تاپشى مەديسينالىق مەدبيكەلەر مەن مەيىرگەرلەر، سانيتارلار، تاربيەشىلەر مەن ولاردىڭ كومەكشىلەرى بولدى. بۇل ماماندار ءۇشىن قامتىلماعان قاجەتتىلىك 4،6 مىڭدى قۇرادى. سونداي-اق، جۇرگىزۋشىلەر (2 مىڭ بوس ورىن)، كۇزەتشىلەر (1،6 مىڭ بوس ورىن)، كونسۋلتانت-ساتۋشىلار (618 بوس ورىن) جانە ەلەكترومونتەرلار (674 بوس ورىن) سۇرانىسقا يە بولدى»، - دەلىنگەن ەڭبەكمينى باسپا ءسوز قىزمەتىنىڭ حابارلاماسىندا.
2022 جىلعى ناۋرىزدا ەلەكتروندىق ەڭبەك بيرجاسىندا 72،7 مىڭ بوس جۇمىس ورنى جانە 48،8 مىڭ تۇيىندەمە ورنالاستىرىلدى. وتكەن ايمەن سالىستىرعاندا، جاريالانعان بوس ورىندار سانىنىڭ شامالى ءوسۋى (+0،5%) جانە ىزدەنۋشىلەر تاراپىنان بەلسەندىلىكتىڭ كۇرت تومەندەۋى (-11%) بايقالادى.
وسىلايشا، ەگەر اعىمداعى جىلدىڭ اقپان ايىندا بوس ورىندار سانى تۇيىندەمە سانىنان 32%-عا اسىپ كەتسە، ناۋرىز ايىندا بوس ورىندار مەن ىزدەنۋشىلەر اراسىنداعى الشاقتىق شامامەن 50%-دى قۇرادى.
«وڭىرلىك بولىنىستە بوس ورىندار سانى جامبىل (+28% نەمەسە 3،4 مىڭ بوس ورىنعا دەيىن)، پاۆلودار (+22% – 5،9 مىڭ بوس ورىنعا دەيىن)، سولتۇستىك قازاقستان (+14% – 2،5 مىڭ بوس ورىنعا دەيىن) جانە باتىس قازاقستان (+12% – 3 مىڭ بوس ورىنعا دەيىن) وبلىستارىندا ءوستى.
ناۋرىزدا ەرلەر مەن ايەلدەر تەڭ جۇمىس ىزدەدى. بۇل رەتتە جاس بولىنىسىندە، الدىڭعى ايداعىداي، ىزدەنۋشىلەردىڭ ۇشتەن ءبىرى جاستار اراسىنان، ال ءاربىر ءتورتىنشى – نەعۇرلىم جەتىلگەن جاستا (46 جاس جانە ودان جوعارى) بولدى.
«سونىمەن قاتار، ەەب مالىمەتتەرى بويىنشا، ناۋرىز ايىندا جۇمىس كۇشىنە سۇرانىس پەن ۇسىنىستىڭ تەڭگەرىمسىزدىگى بايقالدى. ماسەلەن، ەگەر جالپى نارىقتا ورتا بىلىكتى ماماندارعا سۇرانىس باسىم بولسا (54%)، وندا وسى ساناتتاعى ۇسىنىس بار بولعانى 38%-دى قۇرايدى. بۇل رەتتە بىلىكتىلىگى تومەن ماماندار ءۇشىن كەرى جاعداي قالىپتاسىپ وتىر-سۇرانىس 21% بولعان كەزدە ۇسىنىس شامامەن 35%-دى قۇرايدى. جوعارى بىلىكتى كادرلار ءۇشىن تۇيىندەمەلەر مەن بوس جۇمىس ورىندارىنىڭ سانى تەڭ ۇلەستى قۇرايدى: تيىسىنشە 26% جانە 25%»، – دەپ اتاپ ءوتتى «ەڭبەك رەسۋرستارىن دامىتۋ ورتالىعى» اق باسقارۋشى ديرەكتورى الەكساندرا مولچانوۆسكايا.