كەلتىرىلگەن شىعىن 52 ميلليون دوللار دەپ باعالاندى.
وڭتۇستىك افريكا رەسپۋبليكاسىنداعى كۆازۋلۋ-ناتال پروۆينسياسىنداعى سۋ تاسقىنى سالدارىنان كەم دەگەندە 341 ادام قازا تاپتى، دەپ حابارلايدى Almaty-akshay.kz Interfax.ru سىلتەمە جاساپ.
جەرگىلىكتى بيلىك قۇرباندار سانى ارتادى دەپ بولجاپ وتىر، ويتكەنى قازىرگە دەيىن ونداعان ادام ءىز-تۇزسىز جوعالىپ كەتكەن. قۇتقارۋ وپەراسياسىنا كومەكتەسۋ ءۇشىن وڭتۇستىك افريكانىڭ ۇلتتىق قورعانىس كۇشتەرى تارتىلدى.
ەتەكۆيني قالاسىنىڭ گۋبەرناتورى مكسولوسي كاۋندا سۋ تاسقىنىنان مۋنيسيپاليتەت پەن كورشى دۋربان قالاسىنا كەلتىرىلگەن شىعىن 52 ميلليون دوللار دەپ باعالادى.تابيعات سالدارىنان دۋربان مەن ەتەكۆيني قالالارىندا سۋ مەن ەلەكتر قۋاتى ءۇزىلدى، ولاردى قالپىنا كەلتىرۋ كەمىندە ءبىر اپتاعا سوزىلادى. جاڭبىر جالعاسادى دەپ كۇتىلۋدە.
بۇعان دەيىن دۋربانداعى سۋ تاسقىنى سالدارىنان 306 ادامنىڭ قازا تاپقانى حابارلانعان بولاتىن. سينوپتيكتەردىڭ مالىمەتىنشە، كۆازۋلۋ-ناتالدىڭ كەيبىر وڭىرلەرىندە 48 ساعات ىشىندە 450 مم-دەن استام جاۋىن جاۋعان، بۇل جىلدىق كورسەتكىشپەن سالىستىرعاندا 1009 مم.