قازاقستانداعى جوعارى وقۋ ورىندارىنىڭ رەيتينگى جاريالاندى
ءبىلىم جانە عىلىم مينيسترلىگى جوعارى وقۋ ورىندارىنىڭ 2021 جىلعى رەيتينگىن قورىتىندىلادى. زەرتتەۋدى بعم تاپسىرىسى بويىنشا «اتامەكەن» ۇلتتىق كاسىپكەرلەر پالاتاسى جۇرگىزدى. رەيتينگ ناتيجەلەرى بۇگىن ق ر پرەزيدەنتى جانىنداعى ورتالىق كوممۋنيكاسيالار قىزمەتىنىڭ الاڭىندا بەلگىلى بولدى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
جوعارى وقۋ ورىندارىنىڭ ءبىلىم بەرۋ باعدارلامالارى ءۇش بلوكقا بىرىكتىرىلگەن 19 كريتەريي بويىنشا باعالاندى: تۇلەكتەردىڭ مانساپتىق بولاشاعى، ءبىلىم بەرۋ باعدارلامالارىنىڭ ساپاسى جانە ءبىلىم الۋشىلاردىڭ جەتىستىكتەرى.
زەرتتەۋ كورسەتكەندەي، جۇمىس بەرۋشىلەردىڭ جوعارى وقۋ ورىندارىنداعى ءبىلىم بەرۋ باعدارلامالارىنىڭ ساپاسى مەن وزەكتىلىگىنە قاناعاتتانۋ كورسەتكىشى ەداۋىر ارتقان، سوڭعى جىلدارى بۇل كورسەتكىش +28 پايىزدى قۇرادى.
رەيتينگ كورسەتكەندەي، جوعارى وقۋ ورىندارىنىڭ ءبىلىم بەرۋ باعدارلامالارىنىڭ 85%-ى جۇمىس بەرۋشىلەرمەن كەلىسىلگەن. باعدارلامالاردىڭ 88%-ى تانىلعان اككرەديتتەۋ اگەنتتىكتەرىندە اككرەديتتەۋدەن ءوتتى.
جۇمىسقا ورنالاسقان تۇلەكتەردىڭ سانى وتكەن جىلمەن سالىستىرعاندا 12%-عا ارتىپ وتىر. وسىلايشا، 2021 جىلى جۇمىسپەن قامتۋ ورتاشا ەسەپپەن 77% قۇرادى.
اكادەميالىق ۇتقىرلىق باعدارلاماسىنا قاتىسۋ تاجىريبەسى بويىنشا دا جاقسى كورسەتكىشتەر بار، ونىڭ ىشىندە شەتەلدىك جوعارى وقۋ ورىندارىندا تۇلەكتەردىڭ 55%-ى ءبىلىم الۋدا.
ءبىلىم بەرۋ جۇيەسىن سيفرلاندىرۋ كورسەتكىشتەرى بويىنشا دا ايتارلىقتاي وڭ وزگەرىستەر بايقالىپ جاتىر. جوعارى وقۋ ورىندارىنىڭ 90%-ىندا ەلەكتروندى كىتاپحانالار بار، 87%-ى پلاگياتقا قارسى جۇيەنى، 81%-ى پروكتورينگ جۇيەسىن ەنگىزدى.
رەيتينگ-2021 قورىتىندىسى بويىنشا: «دەنساۋلىق ساقتاۋ جانە الەۋمەتتىك قامتاماسىز ەتۋ» باعىتى بويىنشا جەتەكشى ورىندى س.د. اسفەندياروۆ اتىنداعى قازۇمۋ جوو يەلەندى، ال وڭتۇستىك قازاقستان مەديسينا اكادەمياسى اۋتسايدەرلەر قاتارىندا.
زاڭ سالاسى بويىنشا نارىكبايەۆ اتىنداعى كازگيۋۋ ۋنيۆەرسيتەتى ءداستۇرلى تۇردە كوش باستاپ كەلەدى.
«پەداگوگيكالىق عىلىمدار» باعىتى بويىنشا ل.ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى الدىڭعى ورىندا تۇر. ال شىمكەنت قالاسىنداعى ا. قۋاتبەكوۆ اتىنداعى حالىقتار دوستىعى ۋنيۆەرسيتەتى، «سىرداريا» ۋنيۆەرسيتەتى تومەنگى ورىندا تۇر.
«اقپاراتتىق-كوممۋنيكاسيالىق تەحنولوگيالار» باعىتى بويىنشا حاتۋ، ال «اۋىل شارۋاشىلىعى جانە بيورەسۋرستار» بويىنشا م. قوزىبايەۆ اتىنداعى سقۋ الدىڭعى ورىندا تۇر. «جاراتىلىستانۋ عىلىمدارى، ماتەماتيكا جانە ستاتيستيكا»، «ونەر جانە گۋمانيتارلىق عىلىمدار» جانە «الەۋمەتتىك عىلىمدار، جۋرناليستيكا جانە اقپارات» سياقتى ءۇش باعىت بويىنشا س.تورايعىروۆ ۋنيۆەرسيتەتى كوش باستاپ كەلەدى.
ەلىمىزدەگى كوپسالالى جوعارى وقۋ ورىندارى اراسىنداعى جالپى رەيتينگتە ل. گۋميليەۆ اتىنداعى ەۋرازيا ۇلتتىق ۋنيۆەرسيتەتى، س.تورايعىروۆ ۋنيۆەرسيتەتى، قازاقستان-نەمىس ۋنيۆەرسيتەتى ۇزدىك اتاندى.
بەيىندى جوو-لار اراسىندا نارىكبايەۆ اتىنداعى كازگيۋۋ ۋنيۆەرسيتەتى ۇزدىك بولدى.
سونداي-اق قازاقستان-بريتان ۋنيۆەرسيتەتى، نارحوز ۋنيۆەرسيتەتى، حالىقارالىق اقپاراتتىق تەحنولوگيالار ۋنيۆەرسيتەتى، كيمەپ ۋنيۆەرسيتەتى سياقتى جوعارى وقۋ ورىندارى الدىڭعى قاتاردا تۇر.
كەلەسى جوعارى وقۋ ورىندارى ادەتتەگىدەي اۋتسايدەرلەر قاتارىندا: اكادەميك ا. قۋاتبەكوۆ اتىنداعى حالىقتار دوستىعى ۋنيۆەرسيتەتى، ورتالىق ازيا يننوۆاسيالىق ۋنيۆەرسيتەتى، سىرداريا ۋنيۆەرسيتەتى، شىمكەنت ۋنيۆەرسيتەتى.
رەيتينگ قورىتىندىسى ءبىلىم بەرۋ باعدارلامالارىن جەتىلدىرۋ بويىنشا جۇمىس اتقارماعان جوعارى وقۋ ورىندارى اۋتسايدەرلەر قاتارىنا قوسىلعانىن كورسەتىپ وتىر. ادەتتە بۇل ۋنيۆەرسيتەتتەر ءبىلىم بەرۋ باعدارلامالارىنا ينۆەستيسيا از بولەدى، پراكتيك-وقىتۋشىلاردى از جۇمىلدىرادى جانە جىل سايىن ۇبت/كت-دا تومەن بالل جيناعان ابيتۋريەنتتەردى وقۋعا قابىلدايدى.
«رەيتينگ ناتيجەلەرىمەن تولىعىراق ءبىلىم جانە عىلىم مينيسترلىگى مەن «اتامەكەن» ۇكپ رەسمي سايتتارىندا تانىسۋعا بولادى. تۇلەكتەر مەن ولاردىڭ اتا-انالارىنا ۋنيۆەرسيتەت تاڭداۋ كەزىندە ءبىلىم بەرۋ قىزمەتىنىڭ ساپاسىنا باسا نازار اۋدارۋ كەرەك ەكەنىن تاعى دا ەسكەرتەمىز. بعم مەن جۇمىس بەرۋشىلەر رەيتينگىسىنىڭ قورىتىندىسى بويىنشا اۋتسايدەر جوو-لار ادەتتە جۇمىسىن توقتاتقان جوعارى وقۋ ورىندارىنىڭ تىزىمىنە ەنەتىنىن تاجىريبە كورسەتىپ وتىر»، – دەلىنگەن مينيسترلىك حابارلاماسىندا.