كومىر ساتاتىن نۇكتەلەردە كومىر قورى جەتكىلىكتى.
قازاقستان ۇكىمەتى وتكەن جىلى مەملەكەتتە قانا كومىر وندىرىلگەنىن جاريا ەتتى، دەپ حابارلايدى Almaty-akshamy.kz.
«قازاقستانداعى كومىر ءوندىرۋشى كومپانيالارى 2021 جىلى 111،7 ملن توننا كومىر وندىرگەن، بۇل وتكەن جىلعى ءتيىستى كەزەڭمەن سالىستىرعاندا 102%-دى قۇرايدى. ءوز كەزەگىندە ەنەرگيا ءوندىرۋشى كاسىپورىندارعا 59،3 ملن. توننا كومىر تيەلدى، بۇل وتكەن جىلعى كورسەتكىشتەرمەن سالىستىرعاندا 0،8%-عا ارتىق. ال، ونەركاسىپتىك كاسىپورىندارعا 6،8 ملن توننا كومىر جونەلتىلدى. بۇل 2020 جىلمەن سالىستىرعاندا 21،4%-عا كوپ. سونىمەن قاتار، كوممۋنالدىق-تۇرمىستىق قاجەتتىلىكتەرگە جانە حالىققا 10،7 ملن توننا كومىر تيەلدى، بۇل وتكەن جىلعى كورسەتكىشتەرمەن سالىستىرعاندا 0،9%-عا ارتىق»، - دەلىنگەن يندۋستريا جانە ينفراقۇرىمدىلىق مينيسترلىكتىڭ باسپا ءسوز قىزمەتىنىڭ حابارلاماسىندا.
ايتا كەتۋ كەرەك، جىلىتۋ ماۋسىمى باستالعان كەزدە مينيسترلىك جەرگىلىكتى اتقارۋشى ورگانداردىڭ دەرەكتەرى نەگىزىندە كوممۋنالدىق-تۇرمىستىق سەكتور جانە حالىق ءۇشىن كومىر ءونىمىن تۇتىنۋدىڭ 2021-2022 جىلدار كەزەڭىنە ارنالعان جوسپارىن قالىپتاستىردى.
2022 جىلعى 1 اقپانداعى جاعداي بويىنشا جوسپار بويىنشا كوزدەلگەن 9،3 ملن توننانىڭ 9،28 ملن تونناسى ايماقتارعا جەتكىزىلدى، ياعني 99،7%، ونىڭ ىشىندە:
- كوممۋنالدىق-تۇرمىستىق سەكتورعا جوسپار بويىنشا كوزدەلگەن 3،0 ملن توننانىڭ 2،96 ملن. تونناسى جەتكىزىلدى، ياعني 99%؛
- حالىققا جوسپار بويىنشا كوزدەلگەن 6،336 ملن. توننانىڭ 6،322 ملن. تونناسى جەتكىزىلدى، ياعني 99، 7%.
جەرگىلىكتى اتقارۋشى ورگانداردىڭ مالىمەتى بويىنشا كومىر ساتاتىن نۇكتەلەردە كومىر قورى جەتكىلىكتى.
ەستەرىڭىزگە سالا كەتەيىك، كومىر باعاسىنىڭ وسۋىنە جول بەرمەۋ ماقساتىندا يندۋستريا جانە ينفراقۇرىلىمدىق دامۋ مينيسترلىگى تاۋ-كەن ءوندىرۋ جانە تاۋ-كەن مەتاللۋرگيا كاسىپورىندارىنىڭ رەسپۋبليكالىق قاۋىمداستىعىمەن مەموراندۋمعا قول قويدى. اتالمىش قاۋىمداستىق «قاراجىرا» اق، «شۇباركول كومىر» اق جانە «بوگاتىر كومىر» ج ش س كومىر ءوندىرۋشى كومپانيالاردىڭ مۇددەلەرىن بىلدىرەدى. وسىنداي مەموراندۋمدارعا وڭىرلەردىڭ اكىمدىكتەرى مەن الەۋمەتتىك كومىردى كوتەرمە جەتكىزۋشىلەر دە قول قويدى.