ۇكىمەت وتىرىسىندا تۇرمىستىق قاتتى قالدىقتاردى سۇرىپتاۋ جانە قايتا وڭدەۋ زاۋىتتارىن سالۋ ماسەلەسى تالقىلاندى.
قازىرگى ۋاقىتتا ەكولوگيا جانە تابيعي رەسۋرستار مينيسترلىگىنىڭ قاراۋىندا جالپى سوماسى 307 ملرد تەڭگە بولاتىن 65 جوبا بار، دەپ حابارلايدى aqshamnews.kz.
ۇسىنىلعان كاسىپورىنداردىڭ بارلىق تىزىمىنەن 41 قىزمەت قوقىستى قايتا وڭدەۋگە باعىتتالعانىن اتاپ وتكەن ءجون. ولاردىڭ جالپى وڭدەۋ قۋاتى جىلىنا 1،1 ملن توننانى قۇرايدى. تىزىمدەگى جوبالاردىڭ بارلىعىن ىسكە اسىرۋ 4،5 مىڭنان استام جۇمىس ورنىن اشۋعا جانە 54،6 ملرد تەڭگە جەكە ينۆەستيسيا تارتۋعا مۇمكىندىك بەرەدى.