قازاقستاندا پرەزيدەنتتىككە تىركەۋ اياقتالىپ، كانديداتتار انىقتالدى

ورتالىق سايلاۋ كوميسسياسى پرەزيدەنتتىككە التى كانديداتتى تىركەدى

21 قازان كۇنى ساعات 18:00-دە ەل پرەزيدەنتتىگىنە كانديداتتاردى تىركەۋ اياقتالدى، دەپ حابارلايدى Almaty-akshamy.kz.

وسى ۋاقىتقا دەيىن ورتالىق سايلاۋ كوميسسياسى پرەزيدەنتتىككە التى كانديداتتى تىركەدى:
1. قاسىم-جومارت توقايەۆ – قازىرگى مەملەكەت باسشىسى.
2. نۇرلان اۋەسبايەۆ – وپپوزيسيالىق جالپىۇلتتىق سوسيال-دەموكراتيالىق پارتياسىنىڭ (جسدپ) وكىلى.
3. «امانات» رەسپۋبليكالىق كاسىپوداقتار بىرلەستىگى ۇسىنعان مەيرام قاجىكەن.
4. جيگۋلي دايرابايەۆ – «اۋىل» حالىقتىق-دەموكراتيالىق پاتريوتتىق پارتياسىنان كانديدات.
5. قاراقات ابدەن – «كاسىبي الەۋمەتتىك قىزمەتكەرلەردىڭ ۇلتتىق اليانسى» رەسپۋبليكالىق قوعامدىق بىرلەستىگى.
6. سالتانات تۇرسىنبەكوۆ – «قازاق انالارى – داستۇرگە جول» رەسپۋبليكالىق قوعامدىق بىرلەستىگى.

مىنا كانديداتتار ق ر پرەزيدەنتتىگىنە كانديداتتار ءۇشىن زاڭنامانىڭ تالاپتارىنا سايكەس كەلمەيتىندىكتەن، ورتالىق سايلاۋ كوميسسياسىنان سايلاۋالدى جارىسقا قاتىسۋدى جالعاستىرۋعا رۇقسات العان جوق:
• «اسار» ورالماندار قوعامدىق بىرلەستىگى ۇسىنعان حايرۋللا عابجاليلوۆ.
• قازاقستان قۇرىلىسشىلار وداعىنان تالعات ەرعالييەۆ.
• «پراكتيكالىق پسيحولوگيا» رەسپۋبليكالىق قوعامدىق بىرلەستىگىنەن فاتيما بيزاقوۆا.
• «قازاقستاندىق فۋتبول جانكۇيەرلەر ليگاسى» قوعامدىق بىرلەستىگىنەن باقىت جاڭابايەۆ.
• «مۇقاماس» رەسپۋبليكالىق قوعامدىق بىرلەستىگى ۇسىنعان نۇرجان التايەۆ.
• «حالىق دەموگرافياسى» ۇەۇ ۇسىنعان جۇماتاي الييەۆ.