بۇل ستاندارت مۇعالىمدەردىڭ كاسىبي دامۋ تراەكتورياسىنىڭ ءبىرىڭعاي باعدارىنا اينالادى.
«پەداگوگ» كاسىبي ستاندارتىن قابىلداۋ بويىنشا جۇمىستار اياقتالۋعا جاقىن. بۇل تۋرالى وقۋ-اعارتۋ ءمينيسترى اسحات ايماعامبەتوۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«وقۋ-اعارتۋ مينيسترلىگى «پەداگوگ» كاسىبي ستاندارتىن قابىلداۋ بويىنشا جۇمىستاردى اياقتاۋعا جاقىن. وسى كاسىبي ستاندارتتى ەسكەرە وتىرىپ، ءبىلىم بەرۋ باعدارلامالارى، پەداگوگتەردى سەرتيفيكاتتاۋ جانە اتتەستاتتاۋ راسىمدەرى، ۇزدىكسىز كاسىپتىك دامۋ مازمۇنى ازىرلەنىپ، جاڭارتىلادى. قوسىمشا پەداگوگ كادرلاردى قىزمەت بابىندا جوعارىلاتۋ ستراتەگياسى قۇرىلادى. كاسىبي ستاندارت بەكىتىلگەنگە دەيىن پەداگوگتەرمەن جانە باسقا دا مۇددەلى تاراپتارمەن كەڭ تالقىلاۋلار جۇرگىزىلەدى. ناتيجەسىندە «پەداگوگ» كاسىبي ستاندارتى ءبىلىم بەرۋدىڭ بارلىق دەڭگەيىندەگى پەداگوگتەردىڭ كاسىبي دامۋ تراەكتورياسىنىڭ ءبىرىڭعاي باعدارىنا اينالادى»، - دەپ توقتالدى مينيستر.
بۇعان قوسا، بريفينگ بارىسىندا اسحات ايماعامبەتوۆ بالاباقشا تاربيەشىلەرىنە جالاقى تولەۋدىڭ جاڭا جۇيەسى ەنگىزىلەتىنىن ءمالىم ەتتى.
ونىڭ ايتۋىنشا، مۇنداي مەحانيزم قازىرگى تاڭدا بىرنەشە بالاباقشادا سىناقتان ءوتىپ جاتىر.