قازاقستاندا پاسپورت سيفرلىق فورماتقا اۋىستىرىلاتىن بولدى

قازاقستان اۋماعىندا عانا پايدالانۋعا بولادى.

قازاقستاندا پاسپورت دا سيفرلىق فورماتقا اۋىستىرىلادى. بۇل تۋرالى ق ر سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين تەلەگرام كانالدا جازدى، دەپ حابارلايدى Almaty-akshamy.kz.

«سيفرلىق قۇجاتتار» - eGov Mobile قوسىمشاسىنداعى تانىمال سەرۆيستەردىڭ ءبىرى. بۇگىنگى تاڭدا قاجەتتى قۇجاتىڭىزدىڭ ءتۇپنۇسقاسى بولماعان كەزدە سمارتفون ارقىلى ساندىق قۇجاتتى پايدالانۋ وتە ىڭعايلى. سيفرلىق كۋالىكتى قولدانۋ تيىمدىلىگىن كورسەتكەن سوڭ، ءبىز پاسپورتتى دا سيفرلىق فورماتقا اۋدارۋدى شەشتىك. ەندى سيفرلىق پاسپورت eGov Mobile ءموبيلدى قوسىمشاسىندا قول جەتىمدى.ازىرگە سيفرلىق پاسپورتتى جەكە باسىن سايكەستەندىرۋ ءۇشىن قازاقستان اۋماعىندا عانا پايدالانۋعا بولادى. مۇنداي قاجەتتىلىك، مىسالى، كۋالىكتىڭ جوعالۋى نەمەسە ونىڭ جارامدىلىق مەرزىمى اياقتالعان جاعدايدا تۋىنداۋى مۇمكىن»، - دەدى مينيستر.

ايتا كەتسەك، بۇگىنگى كۇنى پاسپورتتان باسقا ەڭ كوپ سۇرانىسقا يە 18 قۇجات سيفرلىق فورماتقا كوشىرىلدى – بۇل جەكە كۋالىك، جۇرگىزۋشى كۋالىگى، پتر-تەستتەر، تۋۋ جانە نەكە تۋرالى كۋالىك جانە تاعى باسقا قۇجاتتار.