جۇمىرتقا باعاسى تۇراقتالادى

ونىڭ كوتەرىلۋىنە ەش سەبەپ جوق.

بۇل تۋرالى جۇمىرتقا وڭدىرۋشىلەر قاۋىمداستىعىنىڭ وكىلدەرى حابارلادى. بيىل باعانى تۇراقتاندىرۋ ءۇشىن ناۋرىز ايىندا مينيسترلىك، قۇس شاۋرۋاشىلىعى ۇيىمدارى مەن ساۋدا جەلىلەرى اراسىندا بىرلەسكەن مەموراندۋم جاسالدى. قۇس فابريكالارىنىڭ جەم-ازىق قورىن ساقتاپ قويۋعا ىقپال ەتتى، دەپ حابارلايدى Almaty-akshamy.kz.

مەملەكەتتەن بولىنگەن سۋبسيديا قۇس وسىرۋشىلەرگە ەگىستىك ناۋقانىنا دەيىن قۇس باسىن ساقتاۋعا مۇمكىندىك بەردى. قۇس جۇمىرتقاسىنىڭ قايتا ەنگىزىلگەن سۋبسيديا الەۋمەتتىك ماڭىزى بار ازىق-تۇلىك تاۋارلارىنا كىرەتىن جۇمىرتقانىڭ باعاسىن كەلەسى جىلعا دەيىن تۇراقتى ۇستاۋعا مۇمكىندىك بەرەدى.

«قۋاتتىلىعى جىلىنا 5 ملن دانا جۇمىرتقا وندىرەتىن قۇس فابريكالارى وندىرىلگەن جۇمىرتقاعا ءبىر جۇمىرتقانىڭ قۇنىنا 3 تەڭگەدەن مەملەكەتتىك قولداۋ سۋبسيديا الىپ وتىر. وعان رەسپۋبليكالىق بيۋدجەتتەن 6،5 ملرد تەڭگە قاراجات قاراستىرىلدى. قازىرگى تاڭدا وسى قاراجاتتىڭ 90 پايىزى يگەرىلىپ، قۇس فابريكالارى مەملەكەت تاراپىنان سۋبسيديا الىپ وتىر»، - دەيدى ق ر اۋىلشارۋاشىلىعى مينيسترلىگى دەپارتامەنتى ديرەكتورىنىڭ مىندەتىن اتقارۋشى ەرجان يلياسوۆ.

«باعانىڭ وسۋىنە ەش سەبەپتەر جوق. قازىرگى ءونىم حالىقتىڭ سۇرانىسىن وتەيدى. 9 ايدا 2 ميلليارد 790 ميلليون دانا جۇمىرتقا ءوندىرىلدى. بۇل وتكەن جىلمەن سالىستىرعاندا 7،8 پايىزعا كوپ. سوندىقتان ءقازىر باعانىڭ ودان ءارى وسۋىنە ەشقانداي سەبەپ جوق»، - جۇمىرتقا وندىرۋشىلەر قاۋىمداستىعىنىڭ پرەزيدەنتى ماكسيم بوجكو.