ق ر ەڭبەك جانە حالىقتى الەۋمەتتىك قورعاۋ مينيسترلىگى 2025 جىلى بيزنەستىڭ الەۋمەتتىك جاۋاپكەرشىلىگى جونىندەگى «پارىز» بايقاۋىنىڭ باستالعانىن حابارلايدى.
بايقاۋ حالىقتىڭ ءال-اۋقاتىن ودان ءارى جاقسارتۋ ءۇشىن قوعام الدىنداعى وزدەرىنىڭ كورپوراتيۆتىك الەۋمەتتىك جاۋاپكەرشىلىگىن قالىپتاستىرۋعا جانە ارتتىرۋعا باعىتتالعان، دەپ حابارلايدى aqshamnews.kz.
بايقاۋ وڭىرلىك جانە رەسپۋبليكالىق ەكى كەزەڭنەن تۇرادى. شاعىن، ورتا جانە ءىرى كاسىپكەرلىك سۋبەكتىلەرى 4 اتالىم «ۇزدىك الەۋمەتتىك جاۋاپتى كاسىپورىن»، «ەڭبەكتى قورعاۋ سالاسىنداعى ۇزدىك كاسىپورىن»، «ۇزدىك ۇجىمدىق شارت»، «ەكولوگياعا قوسقان ۇلەسى ءۇشىن» بويىنشا ءوزارا ۇزدىكتى انىقتايدى. سونداي-اق بايقاۋ اياسىندا «جىلدىڭ ۇزدىك الەۋمەتتىك جوباسى» ارنايى سىيلىعى تابىستالادى.
بايقاۋعا قاتىسۋ تەگىن. ۇمىتكەرلەر ءوز ماتەريالدارىن قاعاز تۇرىندە جانە ەلەكتروندى فورماتتا وبلىستاردىڭ، رەسپۋبليكالىق ماڭىزى بار قالالاردىڭ جەرگىلىكتى اتقارۋشى ورگاندارىنا جولدايدى.
وتكىزىلەتىن ءىس-شارالاردىڭ ماڭىزدىلىعىن ەسكەرە وتىرىپ، ق ر ەڭبەك جانە حالىقتى الەۋمەتتىك قورعاۋ مينيسترلىگى ەلىمىزدىڭ بارلىق كاسىپكەرلەرىن «پارىز» بايقاۋىنا بەلسەندى قاتىسۋعا شاقىرادى.
بايقاۋعا قاتىستى وزگە اقپاراتتى ءبىلۋ ءۇشىن وبلىستاردىڭ، استانا، الماتى جانە شىمكەنت قالالارىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنا نەمەسە ق ر ەحاقم مەملەكەتتىك ەڭبەك ينسپەكسياسى كوميتەتىنىڭ وڭىرلىك دەپارتامەنتتەرىنە حابارلاسۋعا بولادى.