2025 جىلدىڭ ءۇش ايىندا الەۋمەتتىك ينسپەكتورلار 156 تەكسەرۋ جۇرگىزدى، ونىڭ 76-سى جوسپاردان تىس، 19-ى پروفيلاكتيكالىق باقىلاۋ شەڭبەرىندە، 61ء-ى پروكۋراتۋرانىڭ تالابى بويىنشا بولدى.
تەكسەرۋ قورىتىندىسى بويىنشا انىقتالعان بۇزۋشىلىقتاردى جويۋ تۋرالى 34 ۇيعارىم بەرىلدى، 14،5 ملن تەڭگەدەن استام سوماعا 46 ايىپپۇل سالىندى.
مەملەكەتتىك باقىلاۋمەن: اكىمدىكتەر – 6، جەرگىلىكتى اتقارۋشى ورگانداردىڭ بولىمدەرى مەن باسقارمالارى – 21، مەملەكەتتىك مەكەمەلەر – 22، بالاباقشالار – 4، مەكتەپتەر – 13، كوللەدجدەر، ليسەيلەر – 5، اۋرۋحانالار، ەمحانالار – 10، ارناۋلى الەۋمەتتىك قىزمەتتەر كورسەتۋ ورتالىعى – 1، ساناتورييلەر – 3، دك – 10، كافە، مەيرامحانالار مەن قوناق ۇيلەر – 10، دۇكەندەر – 12، ساۋدا ۇيلەرى – 5، پوليسيا پۋنكتى – 1، ستوماتولوگيا – 3، اۆتوبۋس پاركتەرى، اۆتو/تەمىرجول ۆوكزالدارى، اۋەجايلار – 6، كىتاپحانا – 1، مادەنيەت ۇيلەرى – 4، پوشتا قىزمەتى بولىمشەسى – 1، سپورت مەكتەپتەرى – 3، نوتاريۋس – 1 جانە وزگە دە 14 وبەكتى قامتىلدى.
ماسەلەن، الەۋمەتتىك قورعاۋ سالاسىنداعى رەتتەۋ جانە باقىلاۋ كوميتەتىنىڭ ۇلىتاۋ وبلىسى بويىنشا دەپارتامەنتى مۇگەدەكتىگى بار ادامنىڭ ءوتىنىشى نەگىزىندە مۇگەدەكتىگى بار ادامدار ءۇشىن قولجەتىمدىلىكتىڭ بولماۋى فاكتىسى بويىنشا مەديسينالىق ورتالىققا جوسپاردان تىس تەكسەرۋ جۇرگىزدى. تەكسەرۋ ناتيجەلەرى بويىنشا سۋبەكت ايىپپۇل تۇرىندە اكىمشىلىك جاۋاپكەرشىلىككە تارتىلدى.
بۇل رەتتە الەۋمەتتىك ينسپەكتورلاردىڭ ايتۋىنشا بارلىق وڭىرلەردە مۇگەدەكتىگى بار ادامدار ءۇشىن الەۋمەتتىك ينفراقۇرىلىمدى بەيىمدەۋدەگى وڭ وزگەرىستەر بار. مۇنى ەرەكشە قاجەتتىلىكتەرى بار ادامدار دا راستايدى.
«مەن قالامىزداعى الەۋمەتتىك جانە مادەني ءىس-شارالاردان قالماي، ۇدايى قاتىسۋعا تىرىسامىن. قازىرگى ۋاقىتتا مۇگەدەكتىگى بار ادامدار ءۇشىن كوپتەگەن قوعامدىق ورىنداردا قولجەتىمدىلىك قامتاماسىز ەتىلۋدە. ءسوزىمنىڭ ءبىر دالەلى رەتىندە قالامىزداعى 9-شاعىن اۋدانىندا ورنالاسقان حالىققا قىزمەت كورسەتۋ ورتالىعىن ايتۋعا بولادى. عيماراتقا كىرە بەرىستە ارنايى ليفت بار، ال ونىڭ اۋلاسىندا مۇگەدەكتىگى بار ادامداردىڭ اۆتوكولىكتەرىنە ارنالعان ارنايى تۇراقتار بار. سونداي-اق، جەزقازعان قالاسىندا ورنالاسقان «Sامادي مارت» ساۋدا ورتالىعىندا جانە س.قوجامقۇلوۆ اتىنداعى تەاتردا ەرەكشە قاجەتتىلىكتەرى بار ادامداردىڭ عيماراتتارعا كەدەرگىسىز كىرۋىنە جاعداي جاسالعان»، – دەپ اتاپ ءوتتى ءبىرىنشى توپتاعى مۇگەدەكتىگى بار جەزقازعان قالاسىنىڭ تۇرعىنى ارمان سامەتوۆ.