وتكەن جىلى حالىقارالىق جارىستاردا قازاقستاندىق پاراسپورتشىلار 187 مەدال جەڭىپ الدى.
ونىڭ ىشىندە 62 التىن، 63 كۇمىس جانە 62 قولا مەدال بار، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
مادەنيەت جانە سپورت مينيسترلىگىنىڭ مالىمەتىنشە، قازاقستان قۇراماسىنىڭ قورجىنىنا ەڭ كوپ مەدالدى پارا پاۋەرليفتەر (51 مەدال، 22 التىن)، جۇزگىشتەر (42 مەدال، 15 التىن) جانە جەڭىل اتلەتتەر (41 مەدال، 13 التىن) سالعان. ءبىزدىڭ پارادزيۋدوشىلارىمىز (20 مەدال، 6 التىن) بەن پاراتاەكۆوندوشىلارىمىز دا ەرەكشەلەندى (16 مەدال، 2 التىن).
وتاندىق پاراسپورتشىلار حالىقارالىق ماراپاتتارعا يە بولعان سپورت تۇرلەرى: ۆولەيبول (وتىرىپ) (1 التىن مەدال)، پاراشاڭعى جارىسى جانە بياتلون (8 مەدال، 1 التىن)، پاراۇستەل تەننيسى (5 مەدال، بارلىعى قولا)، پاراساداق اتۋ (2 مەدال، 1 التىن) جانە پاراكاراتە (1 التىن جۇلدە).
قازاقستاندىق پاراسپورتشىلار ءۇشىن ەڭ تابىستى كەزەڭ قاراشا (61 مەدال)، ماۋسىم (35) جانە قازان (32) ايلارى بولدى. ولار جىلدىڭ ەڭ ءىرى تۋرنيرلەرىنە تاپ كەلىپ، بەلسەندى قاتىستى. قاراشا ايىندا IWAS دۇنيەجۇزىلىك ويىندارى ءوتتى – بۇل ەكى جىلدا ءبىر رەت حالىقارالىق اربادا وتىرعاندار مەن امپۋتانتتار سپورت فەدەراسياسى وتكىزەتىن جارىستار. ولاردا قازاقستان 42 مەدال جەڭىپ الدى: 11 التىن، 17 كۇمىس جانە 14 قولا.
ماۋسىم ايىندا پاۋەرليفتينگتەن ازيا مەن وكەانيا اشىق چەمپيوناتى ءوتتى، وندا ءبىزدىڭ سپورتشىلار 4 التىن، 8 كۇمىس جانە 6 قولا جۇلدەگە يە بولدى. ال قازان ايى وسى سپورت تۇرىنەن الەم چەمپيوناتىمەن ەستە قالدى. بۇل تۋرنير قازاقستان قورجىنىنا 10 مەدال سالدى.
«قازاقستاندا پاراسپورت قارقىندى دامىپ كەلەدى، ال سپورتشىلارىمىز ءىرى حالىقارالىق جارىستاردىڭ تۇعىرىنا ۇنەمى كوتەرىلەدى. ارينە، ءبىز مۇنىمەن توقتامايمىز. كەرىسىنشە، پاراسپورتقا كوبىرەك كوڭىل ءبولۋ كەرەك. اسىرەسە، پاريجدەگى پاراليمپيادا قارساڭىندا دايىندىقتى كۇشەيتۋ كەرەكپىز»، - دەدى ق ر مادەنيەت جانە سپورت ۆيسە-مينيسترى سارسەن قۇرانبەك.