اۋە كولىگىمەن جولاۋشىلار مەن جۇك تاسىمالداۋ ەرەجەلەرى وزگەرمەك

بۇيرىق 4 ناۋرىزدان باستاپ كۇشىنە ەنەدى. 

ق ر ييدم بۇيرىعىمەن اۋە كولىگىندە جولاۋشىلار مەن جۇك تاسىمالداۋعا وزگەرىستەر ەنگىزىلدى، دەپ حابارلايدى Almaty-akshamy.kz

بۇدان بىلاي بەكىتىلگەن تالاپتارعا سايكەس كەلمەسە، اۆياكومپانيا جۇكتى تاسىمالداۋعا قابىلداۋدان باس تارتا الادى.

ياعني:

- جۇكتى اكەلۋ، اكەتۋ نەمەسە ترانزيتتەۋ تاسىمالداۋ جۇزەگە اسىرىلاتىن اۋماققا، اۋماعىنان نەمەسە اۋماعى ارقىلى سول ەلدىڭ زاڭناماسىنا سايكەس جۇزەگە اسىرىلادى؛

- جۇكتىڭ ولشەمدەرى ونىڭ ەركىن تيەلۋىن جانە ءتۇسىرىلۋىن، اۋە كەمەلەرىنىڭ باگاجى مەن جۇك بولىمدەرىنە ورنالاستىرىلۋىن جانە بەكىتىلۋىن قامتاماسىز ەتەدى؛

- تۇراقتى جولاۋشىلار اۋە كەمەلەرiندە تاسىمالداۋ كەزiندە جۇكتiڭ سالماعى مەن ولشەمدەرi اۆياكاسiپورىننىڭ شارتتارىندا بەلگiلەنگەن شەكتەن اسپايدى؛

- جۇككە ىلەسپە قۇجاتتار قوسا تىركەلەدى؛

- جۇك ۇشاققا، ادامدارعا جانە مۇلىككە ءقاۋىپ توندىرمەيدى جانە ءوزىنىڭ قاسيەتتەرىنە بايلانىستى جولاۋشىلارعا قولايسىزدىق تۋدىرمايدى.

سونداي-اق الۋشى اۆياكومپانيادان اۋە كەمەسى مەجەلى جەرگە كەلگەن، جۇك تۇسىرىلگەن جانە وڭدەلگەن ساتتەن باستاپ جۇكتى جانە جۇكقۇجاتتى رەسىمدەۋدى تالاپ ەتەتىنى تۇسىندىرىلەدى. جۇكتى جەتكىزۋ اۋە كەمەسى كەلگەن ساتتەن باستاپ 2 ساعاتتان كەشىكتىرىلمەي جۇزەگە اسىرىلادى.

بۇل رەتتە اۋەجاي اكىمشىلىگى جولاۋشىلاردى، باگاجدى جانە جۇكتەردى اۋە كولىگىمەن تاسىمالداۋ ءتارتىبىن اۋەجايدىڭ رەسمي ينتەرنەت-رەسۋرسىندا ورنالاستىرۋى كەرەكتىگى ايتىلادى.