ولاردى «ورلەۋ» بىلىكتىلىكتى ارتتىرۋ ۇلتتىق ورتالىعىنىڭ وكىلدەرى EdCrunch Academy-مەن بىرلەسىپ ازىرلەدى.
ماماندار 12 ءپان بويىنشا 44 باعدارلاما ازىرلەدى. ەلىمىزدىڭ تۇكپىر-تۇكپىرىنەن بارلىعى 40 000-نان استام ماتەماتيكا، ينفورماتيكا، فيزيكا، حيميا، بيولوگيا، گەوگرافيا، تاريح، جاراتىلىستانۋ، قازاق، ورىس، اعىلشىن تىلدەرى جانە باستاۋىش سىنىپ مۇعالىمدەرى كۋرستان وتەدى، دەپ حابارلايدى Almaty-akshamy.kz.
«كۋرستار باستالعان كۇنى 6 603 ءمۇعالىم وقۋعا كىرىستى. كۋرستاردى باستاماس بۇرىن مۇعالىمدەر سيفرلىق پلاتفورمادا دياگنوستيكالىق تەستىلەۋدەن وتەدى. بۇل كۋرستار باستالعان كەزدە مۇعالىمدەردىڭ پاندىك ءبىلىم دەڭگەيىن انىقتاۋ ءۇشىن قاجەت. تەستىلەۋ پەداگوگتەردىڭ وقۋداعى قاجەتتىلىكتەرىن انىقتاۋعا جانە ءبىلىم بەرۋ باعدارلاماسىنىڭ تيىمدىلىگىن باعالاۋعا كومەكتەسەدى. كۋرستىڭ باسىنان ساباقتىڭ سوڭعى ناتيجەسىنە دەيىنگى وقۋ پروسەسى تولىعىمەن تالدانادى. تەستىلەۋ ناتيجەلەرى قۇپيا بولادى جانە قورىتىندى باعالاۋدا ەسەپكە الىنبايتىنىن ەسكە سالا كەتەيىك»، - دەدى وقۋ-اعارتۋ مينيسترلىگى «ورلەۋ» بىلىكتىلىكتى ارتتىرۋ ۇلتتىق ورتالىعى اق باسقارما ءتوراعاسى اسەل مۇحامەتجانوۆا.
كۋرستاردى ءوتۋ قورىتىندىسى بويىنشا مۇعالىمدەردىڭ بىلىكتىلىگىن ارتتىرۋ ءۇشىن وقىتۋدىڭ تيىمدىلىگىنە تالداۋ جانە ولاردىڭ العان بىلىمدەرىن قورىتىندى باعالاۋ جۇرگىزىلەدى. مۇعالىمدەردىڭ ساباققا قاتىسۋى جانە ولاردىڭ ساباقتاعى بەلسەندىلىگى، مىسالى، سىنىپتاعى/توپتاعى باسقا قاتىسۋشىلارمەن ءوزارا ارەكەتتەسۋ، جاۋاپ بەرۋ جانە جاڭا يدەيالار مەن شەشىمدەردى ۇسىنۋ سياقتى كريتەرييلەر بويىنشا باعالانادى. سودان كەيىن مۇعالىمدەر قورىتىندى تەست تاپسىرادى.
تەستىلەۋدى ءساتتى اياقتاۋ - كۋرستى اياقتاۋدىڭ مىندەتتى شارتى. سەرتيفيكاتتار بارلىق كريتەريي بويىنشا شەكتى بالل جيناي العان قاتىسۋشىلارعا عانا بەرىلەدى. حالىقارالىق تاجىريبە كورسەتكەندەي، پاندىك قۇزىرەتتىلىكتەردى ارتتىرۋعا ارنالعان ءبىلىم بەرۋ باعدارلامالارى پەداگوگتەردىڭ كاسىبي دامۋىنا جانە جۇمىس ساپاسىنا وڭ اسەر ەتەدى. بۇل سونىمەن قاتار جالپى ءبىلىم ساپاسىنا، ونىڭ ىشىندە وقۋشىنىڭ بىلىمىنە دە وڭ اسەرىن تيگىزەدى.