ەلىمىزدەگى ءوزىن ءوزى جۇمىسپەن قامتۋشى 2،1 ميلليوننان استام ادامنىڭ 862 مىڭى وسىنداي مولشەردە عانا تابىس تابادى.
جىلدىڭ باسىندا قازاقستان رەسپۋبليكاسىنداعى ءوزىن ءوزى جۇمىسپەن قامتىعان حالىقتىڭ سانى 2،1 ميلليونعا جۋىقتاعان، بۇل كورسەتكىش 2020 جىلدىڭ سوڭعى توقسانىنىڭ قورىتىندىلارىمەن سالىستىرعاندا 1،3%-عا كوپ، دەپ حابارلايدى Almaty-akshamy.kz Finprom.kz سايتىنا سىلتەمە جاساپ.
سوڭعى 5 جىلدا وسى كورسەتكىش 2،1 ميلليوننىڭ اينالاسىندا، ال وسىدان 10 جىل بۇرىن 2،7 ميلليون ادامعا جەتكەن بولاتىن. ەلىمىزدە ءوزىن ءوزى جۇمىسپەن قامتىعان ادامدار جۇمىس ىستەيتىن حالىقتىڭ 23،8%-ىن قۇرايدى.
ءوزىن-وزى جۇمىسپەن قامتىعاندار سانى ءداستۇرلى تۇردە اۋىلدىق جەرلەردە باسىم بولىپ تۇر: ياعني 2021 جىلدىڭ اياعىنداعى مالىمەت بويىنشا، قازاقستان رەسپۋبليكاسىنىڭ 57%-ىن قۇراعان. سونىمەن قاتار قالالىق جانە اۋىلدىق جەرلەردە ءوزىن-وزى جۇمىسپەن قامتىعاندار اراسىنداعى الشاقتىق بىرتىندەپ ازايىپ تا كەلەدى. وسىلايشا، 10 جىل بۇرىن اۋىلدا ءوزىن ءوزى جۇمىسپەن قامتىعانداردىڭ ۇلەسى 68،8% بولسا، 5 جىل بۇرىن 65،2% -عا ازايىپ، ال 2020 جىلى 58،5%-دى قۇرادى. 2021 جىلى قالالاردا ءوزىن-وزى جۇمىسپەن قامتىعاندار سانى 4،9% -عا، ياعني 901،5 مىڭ ادامعا، ال اۋىلدىق جەرلەردە، كەرىسىنشە، 1،3% -عا، ياعني 1،2 ميلليونعا دەيىن تومەندەدى.
گەندەرلىك تۇرعىدان العاندا دا ءوزىن-وزى جۇمىسپەن قامتىعان ايەلدەر مەن ەرلەر سانىنىڭ اراسىنداعى ايىرماشىلىق ونشا كوپ بولعان جوق. وسىلايشا، ءوزىن-وزى جۇمىسپەن قامتىعان ەرلەردىڭ ۇلەسى 54،7% نەمەسە 1،2 ميلليون ادام، ال ايەلدەردىڭ ۇلەسى 45،3% نەمەسە 948،5 مىڭ ادامدى قۇرادى.
قازاقستان رەسپۋبليكاسىنىڭ ايماقتارى اراسىندا ءوزىن-وزى جۇمىسپەن قامتىعانداردىڭ ەڭ كوپ سانى تۇركىستان وبلىسىندا بايقالدى - 359،9 مىڭ ادام. ودان كەيىنگى ورىندا الماتى (278،8 مىڭ ادام) جانە شىعىس قازاقستان وبلىسى (191،4 مىڭ ادام) تۇر.
ءوزىن-وزى جۇمىسپەن قامتىعانداردىڭ جارتىسىنان كوبى (1،2 ميلليون ادام) قىزمەت كورسەتۋ سالاسىندا بولسا، ۇشتەن ءبىر بولىگى (630،3 مىڭ ادام) اۋىل، ورمان جانە بالىق شارۋاشىلىعىمەن اينالىسادى، ال قالعان 221،3 مىڭ ادام ونەركاسىپ جانە قۇرىلىس سالالارىندا جۇمىس ىستەيدى.
2،1 ملن ءوزىن-وزى جۇمىسپەن قامتىعانداردىڭ اراسىندا 862،1 مىڭ ادام، نەمەسە ءوزىن-وزى جۇمىسپەن قامتىعانداردىڭ 41،2%-نىڭ جيىنتىق كىرىسى ەڭ تومەنگى كۇنكورىس دەڭگەيىنىڭ 2 مولشەرى مەن 80 مىڭ تەڭگە اراسىندا بولىپ وتىر.
* 2021 جىلى ەڭ تومەنگى كۇنكورىس دەڭگەيى 34،3 مىڭ تەڭگە بولسا، 2022 جىلى 36 مىڭ تەڭگە بولدى.
ءوزىن-وزى جۇمىسپەن قامتىعانداردىڭ ەكىنشى ءبىر توبى - 100 مىڭنان 150 مىڭعا دەيىن تابىس تاباتىندار، 328،1 مىڭ ءوزىن-وزى جۇمىسپەن قامتىعان ادامنىڭ تابىسى وسى كولەمدە. ال ەڭ تومەنگى كۇنكورىس دەڭگەيىنىڭ 1 جانە 2 مولشەرىندەي عانا تابىسى بارلاردىڭ سانى 301،2 مىڭ ادام بولعان.
