بۇل ءۇردىس مەتاللۋرگيا، جەڭىل ونەركاسىپ جانە ەلەكترونيكا سالالارىندا بايقالادى.
تاۋارلاردىڭ ىشكى ءوندىرىسىنىڭ ۇلعايۋى ناتيجەسىندە يمپورتتىق ونىمدەر بىرتىندەپ اۋىستىرىلادى، دەپ حابارلايدى aqshamnews.kz.
«وتاندىق وڭدەۋشى ونەركاسىپ كاسىپورىندارىن قولداۋدىڭ پارمەندى قۇرالدارىنىڭ ءبىرى رەتتەلەتىن ساتىپ الۋلارعا قاتىسۋعا باسىم قۇقىق بەرۋ بولىپ سانالادى»، — دەپ اتاپ ءوتتى ونەركاسىپ جانە قۇرىلىس ءمينيسترى ەرسايىن ناعاسپايەۆ.
وسى قۇرالدىڭ ارقاسىندا وتاندىق تاۋارلاردىڭ 4 834 استام پوزيسياسىنا باسىمدىق بەرىلدى. وسى جىلعى 5 ايدىڭ قورىتىندىسى بويىنشا مەملەكەتتىك ورگاندار وتاندىق تاۋار وندىرۋشىلەرمەن 303 ملرد تەڭگە بولاتىن 96 مىڭنان استام كەلىسىمشارتقا وتىردى. بۇل وتكەن جىلمەن سالىستىرعاندا 3 ەسە جوعارى.