ورمانعا ءورت ءقاۋپى بيىل دا ءتونىپ تۇر. ماماندار وسىلاي دەپ دابىل قاعۋدا.
سەبەبى ونىڭ ارتى كاتاستروفاعا اينالۋى مۇمكىن، دەپ حابارلايدى aqshamnews.kz astanatv.kz-كە سىلتەمە جاساپ.
سوڭعى 5 جىلدا ءورتتىڭ اسەرىنەن ورمان قورى 100 مىڭ گەكتارعا كەمىدى. جالپى العاندا ورتەنگەن جەردىڭ كولەمى جارتى ميلليون گەكتاردان استى. ورمان تاپشى مەملەكەتكە اينالدىق دەيدى ماماندار.
تالعات كەرتەشيەۆ، قازۇازۋ كافەدراسىنىڭ پروفەسسورى:
2003 جىلعى دەرەكتەردى الاتىن بولساق، ول كەزدە 245 مىڭ گەكتار جەردە ورتەندەر بولعان جەر بولعان. ال ەندى 2018 جىلعى دەرەكتەردى العاندا 514 مىڭ گەكتارعا جەتكەن. ياعني ول 2 ەسەدەن ارتىق ءوسىپ كەتكەن. ول جاقسى كورسەتكىش ەمەس. سەبەبى ءبىز وسىنشا جەردەگى ورماندى جوعالتىپ الدىق دەگەن ءسوز. سوسىن ەكىنشىدەن ول ورمانداردى ءالى قالپىنا كەلتىرگەمىز جوق.
ءورت بولىپ، ورمان قورىنان ايرىلۋ كوپتەگەن تابيعي اپاتقا الىپ كەلەدى. ماسەلەن جەر توزاڭدانىپ، ەروزيا پايدا بولادى. اۋاعا زياندى زاتتار ءبولىنىپ، اتموسفەرا لاستانادى. توپىراق پەن وسىمدىك، جانۋارلار دۇنيەسىنەن ايرىلامىز. سونداي-اق ورمان كاداسترى بويىنشا ارنايى ەسەپ بولعاندىقتان ەكونوميكالىق شىعىن اكەلەدى. كەي جاعدايدا ادام شىعىنى دا بولادى.
مۇرات شىنىبەكوۆ، قازۇازۋ كافەدراسىنىڭ اعا وقىتۋشىسى:
قوعام ءۇشىن، ەكونوميكا ءۇشىن بەلگىلى ءبىر دارەجەدە ورمان كەسىلگەنىمەن، ونىڭ زيانى ورتكە قاراعاندا سالىستىرمالى تۇردە وتە از. ەڭ باستى زيانى ورماننىڭ - ءورت. ورمانداعى ءورتتىڭ 90%-ى نەگىزى، باسىم بولىگى ادامداردىڭ ىس-ارەكەتىنەن بولاتىن بولسا، ال ءبىر 10، ارى كەتسە 15%-ى تابيعي اپاتتاردان.
ەلىمىزدىڭ ورماندىلىعى 5%، ياعني 31 ملن گەكتار جەردى قامتيدى. ونداعى ورماندى القاپ 14 ملن گەكتارعا جۋىق. اعاش ەگۋ جۇمىستارى جۇرگىزىلىپ جاتىر، ال ءورت قاۋپىنە ساقاداي سايمىز دەيدى جاۋاپتىلار.
رينات نۇرعازين، ق ر ەكولوگيا جانە تابيعي رەسۋرستار مينيسترلىگى باسقارماسىنىڭ باس ساراپشىسى:
“قازاقستان عارىش ساپارىنىڭ” ءوزىنىڭ سپۋتنيكتەرى بار، ودان سپۋتنيكتىك تۇسىرىلىمدەر الامىز. ول ءقازىر مونيتورينگ جۇرگىزىلۋدە. ورمان ءورتى قانشا اۋماقتى الدى، مىسالى ءبىر ورمان ءورتى بولدى ما، سونىڭ ناقتى ايماعىن، ءبارىن ەسەپتەپ بەرەدى ولار. 2025 جىلعا ءقازىر بارلىعى جاسالدى. ورمان ءورتى بولعان كەزدە كىم قانداي تەحنيكا بەرەدى، قانشا ادام سانى جۇمىلدىرىلادى، سونىڭ ءبارى قاراستىرىلعان. دايىنبىز دەپ ايتا الامىز.
ءبىر تال كەسسەڭ ون تال ەك. ال ءبىر ورماندى تۇبىمەن جوق قىپ جىبەرەتىندەر شە؟ ساياحاتقا كەلگەندەر ەرەجەنى قاتاڭ ساقتاپ، باعىنباعاندارعا ۇلكەن كولەمدە ايىپپۇل سالۋ كەرەك دەيدى تابيعات جاناشىرلارى.