Comex بيرجاسىندا (نيۋ-يورك تاۋار بيرجاسىنىڭ بولىمشەسى) 2025 جىلدىڭ ماۋسىم ايىندا جەتكىزىلەتىن التىن فيۋچەرستەرىنىڭ باعاسى ءوزىنىڭ تاريحي ماكسيمۋمىن جاڭارتىپ، ءبىر تروي ۋنسياسى ءۇشىن $3 250 بەلگىسىنەن جوعارىلادى.
بۇل تۋرالى ساۋدا الاڭىنىڭ دەرەكتەرىنە سۇيەنىپ وتىرىپ تاسس اگەنتتىگى جازدى، دەپ حابارلايدى aqshamnews.kz.
استانا ۋاقىتىمەن كەشەگى، ياعني 11 ءساۋىر كۇنگى 15:13-تەگى جاعداي بويىنشا باعالى مەتالدىڭ باعاسى 0،44%-عا كوتەرىلىپ، ءبىر ترويا ۋنسياسى ءۇشىن 3 251،9 دوللارعا جەتتى. ساعات 15:28-دە التىن باعاسى ءبىر ۋنسيا ءۇشىن 3 248،8 دوللارعا دەيىن (+0،35%) ءوسۋىن باسەڭدەتتى.
بۇل رەتتە لوندوننىڭ ICE بيرجاسىندا 2025 جىلدىڭ ماۋسىم ايىندا جەتكىزىلەتىن Brent ماركالى مۇناي فيۋچەرستەرىنىڭ باعاسى باررەلىنە 0،8%-عا ءوسىپ، $63،91- دەن اسىپ جىعىلدى. وسى جىلدىڭ مامىر ايىندا جەتكىزىلەتىن WTI ماركالى مۇناي فيۋچەرستەرىنىڭ باعاسى 1،47%-عا ءوسىپ، باررەلىنە 60،67 دوللار بولدى.